គ្រួសារអ៊ីរ៉ង់ជាច្រើន បានទទួលទានអាហារនៅខាងក្រៅក្នុងអំឡុងពេលថ្ងៃ កាលពីព្រហស្បតិ៍សម្រាប់ពិធីប្រចាំឆ្នាំ Sizdah Bedar ជាទិវាធម្មជាតិតាមប្រតិទិនពែកស៊ី ទោះបីជាមានការទម្លាក់គ្រាប់បែកជាបន្តបន្ទាប់ពីសហរដ្ឋអាមេរិក និងអ៊ីស្រាអែល ក៏ដោយ។

មនុស្សរាប់ពាន់នាក់បានមកប្រមូលផ្តុំគ្នានៅឧទ្យាន Pardisan ជាបរិវេណដ៏ធំទូលាយមួយនៅភាគពាយ័ព្យទីក្រុងតេអេរ៉ង់ ដើម្បីចំណាយពេលជាមួយមនុស្សជាទីស្រលាញ់ ខណៈថ្ងៃឈប់សម្រាកសម្រាប់ បុណ្យ Nowruz ជាពីធីចូលឆ្នាំថ្មីតាមប្រតិទិនពែកស៊ី ដែលបានបញ្ចប់ទៅដោយអ្នកនយោបាយ និងមេបញ្ជាការ បានបញ្ជាឱ្យមានការវាយប្រហារបន្ថែមទៀត និងគំរាមបង្កើនការវាយប្រហារ។

ដោយចម្ងាយបើកបរជិតនៅក្បែរតំបន់ភាគកណ្តាលទីក្រុង ក្រុមវេជ្ជបណ្ឌិតនិងអ្នកផ្តល់សេវាថែទាំសុខភាព បានព្យាយាមផ្តល់បទពិសោធន៍ដ៏រីករាយដល់កុមារដែលមិនអាចចេញទៅខាងក្រៅជាមួយក្រុមគ្រួសាររបស់ពួកគេបានដោយសារតែជំងឺ។

វេជ្ជបណ្ឌិត និងអ្នកហាត់ការនៅមជ្ឈមណ្ឌលវេជ្ជសាស្ត្រកុមារ ជាមន្ទីរពេទ្យមួយដំណើរការក្រោមសាកលវិទ្យាល័យវិទ្យាសាស្ត្រវេជ្ជសាស្ត្រទីក្រុងតេអេរ៉ង់ បានប្រមូលប្រាក់ផ្ទាល់ខ្លួនរបស់ពួកគេដោយមានការបរិច្ចាគមួយចំនួន ដើម្បីរៀបចំសកម្មភាពសម្រាប់កុមារដែលទទួលរងពីស្ថានភាពសុខភាពជាមូលដ្ឋាន។

មជ្ឈមណ្ឌលកុមារ និងមន្ទីរពេទ្យ Imam Khomeini ដែលនៅជាប់គ្នា មិនត្រូវបានរងផលប៉ះពាល់ដោយការវាយប្រហារនោះទេ មិនដូចមណ្ឌលសុខភាពមួយចំនួនទៀតនៅក្នុងទីក្រុងតេអេរ៉ង់ និងនៅទូទាំងប្រទេស ដែលមួយចំនួនត្រូវផ្អាកសេវា ឡើយ។