​ក្រិក៖ ប្រទេស​ក្រិ​ក​បាន​អញ្ជើញ​ដៃគូ​អង្គការ NATO និង​សម្ព័ន្ធមិត្ត​ក្នុង​តំបន់​ឱ្យ​ចូលរួម​ក្នុង​សម​យុទ្ធ​កងទ័ព​អាកាស​ប្រចាំ​ឆ្នាំ ដែល​ចាប់ផ្ដើម​កាលពី​ថ្ងៃ​សុក្រ​នៅ​មូលដ្ឋាន​ទ័ពអាកាស Andravida ក្បែរ​ទីក្រុង Kalamata ភាគ​ខាង​ត្បូង​។​ ​រដ្ឋមន្ត្រី​ក្រសួងការពារជាតិ​ក្រិ​កលោក Nikos Panagiotopoulos បាន​និយាយ​ថា សម​យុទ្ធ​យោធា​រួមគ្នា​បាន​ផ្ញើ​សារ​ដ៏​រឹងមាំ​ ចំពោះ​ដំណោះស្រាយក្នុង​ពេល​រុស្ស៊ី​កំពុង​វាយលុក​លើ​អ៊ុយ​ក្រែ​ន​។​

​លោក Geoffrey Pyatt ឯកអគ្គរដ្ឋទូត​សហរដ្ឋអាមេរិក​ប្រចាំ​ប្រទេស​ក្រិ​ក​បាន​និយាយ​ថា សមត្ថភាព​របស់​ប្រទេស​ក្នុង​ការ​នាំ​យក​សម្ព័ន្ធមិត្ត​ NATO ​រួមគ្នា​គឺ​សំខាន់​ជាង​ពេលណា​ទាំងអស់​នា​ពេលនេះ​។​ ​ប្រទេស​បារាំង សហរដ្ឋអាមេរិក អ៊ីស្រាអែល អ៊ីតាលី ស្លូ​វេ​នី និង​ប្រទេស​ស៊ី​ប​បាន​បញ្ជូន​យន្តហោះ​មក​ចូលរួម​ក្នុង​សម​យុទ្ធ Iniochos 2022 រយៈពេល ១០​​ថ្ងៃ​ដែល​ធ្វើ​ឡើង​ ខណៈ​ទីក្រុង Athens បន្ត​កម្មវិធី​ទំនើបកម្ម​យោធា​ដែល​មាន​តម្លៃ​រាប់ពាន់​លាន​អឺរ៉ូ​។​

​បុគ្គលិក​យោធា​មកពី​ប្រទេស​អាល់​បា​នី អេ​ហ្ស៊ី​ប អូទ្រីស ម៉ា​សេ​ដូនាខាងជើង ចក្រភព​អង់គ្លេស ឥណ្ឌា កាណាដា ក្រូ​អាត គុយ​វ៉ែត ម៉ា​រ៉ុ​ក និង​អា​រ៉ា​ប៊ី​សា​អូឌីតបាន​ចូលរួម​ជា​អ្នកសង្កេតការណ៍​។ ​ប្រទេស​បារាំង​កំពុង​ចូលរួម​ជាមួយ​យន្តហោះ Rafale ជំនាន់​ថ្មី​ដែល​ប្រទេស​នេះ​បាន​លក់​ទៅ​ឲ្យប្រទេស​ក្រិ​ក​កាល​ពី​ពេល​ថ្មីៗ ហើយ​សហរដ្ឋអាមេរិក​បាន​បញ្ជូន​មក​នូវ​យន្តហោះ​ដ្រូ​ន F-15 និង MQ-9 Reaper៕

អត្ថបទ៖ ប៊ុនថន