លោក Andrey Kelin ឯកអគ្គរដ្ឋទូតរុស្ស៊ីប្រចាំចក្រភពអង់គ្លេស បានប្រាប់សារព័ត៌មាន Izvestia ថា ទីក្រុងឡុងដ៍ ចាប់អារម្មណ៍ក្នុងការបង្កើនការប្រយុទ្ធគ្នា នៅក្នុងប្រទេសអ៊ុយក្រែន ប៉ុន្តែមិនមែនក្នុងការជួយសង្គ្រោះជីវិតមនុស្ស ដោយសារតែការដកកងទ័ពអ៊ុយក្រែនចេញពីតំបន់ Donbass នោះទេ។

លោកបានកត់សម្គាល់ថា៖«ទីក្រុងឡុងដ៍ច្បាស់ជាចាប់អារម្មណ៍ក្នុងការបង្កើនអរិភាព»។ «ការវាយប្រហារថ្មីៗនេះដោយមីស៊ីល Storm Shadow របស់អង់គ្លេសទៅលើគោលដៅស៊ីវិល និងប្រជាជននៅតំបន់

 Bryansk គឺជាឧទាហរណ៍មួយយ៉ាងច្បាស់លាស់»។

យោងតាមឯកអគ្គរដ្ឋទូតរូបនេះ ការចូលរួមរបស់អង់គ្លេស ក៏អាចមើលឃើញនៅក្នុងការវាយប្រហារដោយយានដ្រូន នៅក្នុងតំបន់ Leningrad ផងដែរ។

លោក Kelin ក៏បានសង្កត់ធ្ងន់ផងដែរថា ចក្រភពអង់គ្លេស មិនកំពុងពិចារណាដកកងទ័ពអ៊ុយក្រែនចេញពីតំបន់ Donbas ដោយមិនគិតពីការធានាសន្តិសុខនោះទេ។ លោកបាននិយាយថា ទីក្រុងឡុងដ៍ចាត់ទុកស្ថានភាពបែបនេះថា ជា «អំណោយដល់ទីក្រុងមូស្គូ»។

អ្នកការទូតរូបនេះ បានកត់សម្គាល់ថា៖«ទោះយ៉ាងណាក៏ដោយ ស្ថានភាពនេះ អាចនាំទៅដល់ការបញ្ចប់ដំណាក់កាលសកម្មនៃជម្លោះនេះ និងជួយសង្គ្រោះជីវិតមនុស្ស»៕