ក្នុងអំឡុងពេលសន្ទនាតាមទូរស័ព្ទ រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ (Sergey Lavrov) និងសមភាគីចិន លោក វ៉ាង យី (Wang Yi) បានសម្តែងការគាំទ្រចំពោះការចាប់ផ្តើមកិច្ចសន្ទនានយោ បាយ-ការទូតយ៉ាងឆាប់រហ័ស និងចាត់វិធានការ ដើម្បីបន្ធូរបន្ថយស្ថានការណ៍នៅឈូងសមុទ្រពែក្ស។  នេះបើយោងតាមរបាយការណ៍របស់ក្រសួងការបរទេសរុស្ស៊ី។

សេចក្តីថ្លែងការណ៍នេះ បានឲ្យដឹងថា៖«នៅថ្ងៃទី ០៥ ខែមេសា ការសន្ទនាតាមទូរស័ព្ទមួយ បានកើតឡើងរវាងរដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ និងសមភាគីចិន លោក វ៉ាង យី»។ ក្រសួងបានសង្កត់ធ្ងន់ថា៖«ក្នុងអំឡុងពេលសន្ទនា ពួកគេបានពិភាក្សាអំពីស្ថានភាពនៅឈូងសមុទ្រពែក្ស ក៏ដូចជាកិច្ចខិតខំប្រឹងប្រែងអន្តរជាតិ ដើម្បីបញ្ចប់ការប្រឈមមុខដាក់គ្នានៅក្នុងតំបន់ដ៏សំខាន់នេះ ឲ្យបានឆាប់តាមដែលអាចធ្វើទៅបាន និងដើម្បីចាប់ផ្តើមកិច្ចសន្ទនានយោបាយ និងការទូត»។

យោងតាមសេចក្តីថ្លែងការណ៍ នៅក្នុងបរិបទនៃបញ្ហាមជ្ឈិមបូព៌ា រដ្ឋមន្ត្រីទាំងពីរ បានពិភាក្សាអំពីវិធីពង្រឹងកិច្ចសហប្រតិបត្តិការរុស្ស៊ី-ចិន នៅក្នុងវេទិកាអន្តរជាតិផ្សេងៗ ជាពិសេសនៅអង្គការសហប្រជាជាតិ។

ក្រសួងបានសង្កត់ធ្ងន់ថា៖«ប្រមុខការទូតទាំងពីរ បានសម្តែងការពេញចិត្តចំពោះការបញ្ចូលគ្នានៃវិធីសាស្រ្តរបស់រុស្ស៊ី និងចិនលើបញ្ហាភាគច្រើន នៅក្នុងរបៀបវារៈសកល រួមទាំងស្ថានភាពជុំវិញអ៊ីរ៉ង់ ដែលភ្ជាប់ទៅនឹងការឈ្លានពានដែលមិនបានបង្កហេតុរបស់សហរដ្ឋអាមេរិក និងអ៊ីស្រាអែលប្រឆាំងនឹងប្រទេសអ៊ីរ៉ង់»៕