មជ្ឈមណ្ឌលប្រតិបត្តិការពាណិជ្ជកម្មផ្លូវសមុទ្រចក្រភពអង់គ្លេស (UKMTO) បានរាយការណ៍ថា ស្ថានភាពនៅក្នុងតំបន់ឈូងសមុទ្រពែក្ស ត្រូវបានវាយតម្លៃថា មានភាពធ្ងន់ធ្ងរ។ ក្នុងរយៈពេលជាងមួយខែប៉ុណ្ណោះ ការវាយប្រហារចំនួន ២៧លើក លើនាវានិងហេដ្ឋារចនាសម្ព័ន្ធកំពង់ផែ ត្រូវបានកត់ត្រា នៅទីនោះ។

សេចក្តីថ្លែងការណ៍នេះ បានឲ្យដឹងថា៖«បរិយាកាសគំរាមកំហែងផ្លូវសមុទ្រក្នុងតំបន់នៅទូទាំងឈូងសមុទ្រអារ៉ាប់ ច្រកសមុទ្រហ័រមូស និងឈូងសមុទ្រអូម៉ង់ នៅតែធ្ងន់ធ្ងរ»។ ចាប់តាំងពីថ្ងៃទី ០១ ខែមីនា កងទ័ពជើងទឹកចក្រភពអង់គ្លេស បានទទួលរបាយការណ៍អំពីឧប្បត្តិហេតុចំនួន ២៧លើក ហើយចំនួនាវា ដែលឆ្លងកាត់ច្រកសមុទ្រហ័រមូសជារៀងរាល់ថ្ងៃ បានធ្លាក់ចុះពី ១៣៨ គ្រឿង មកត្រឹមតែ ៨ គ្រឿង។

ឧប្បត្តិហេតុថ្មីៗបំផុត បានកើតឡើង នៅថ្ងៃទី ០៥ ខែមេសា នៅពេលដែលកម្ទេចកម្ទី បានធ្លាក់នៅជិតនាវាដឹកកុងតឺន័រមួយគ្រឿង ដែលកំពុងផ្ទុកទំនិញនៅកំពង់ផែ Khor Fakkan ក្នុងប្រទេសអារ៉ាប់រួម។ អាជ្ញាធរមូលដ្ឋានក្រោយមក បានរាយការណ៍ថា អគ្គិភ័យនៅកំពង់ផែនេះ បណ្តាលមកពីកម្ទេចកម្ទីពីយានដ្រូន ដែលត្រូវបានបាញ់ទម្លាក់។ មនុស្សម្នាក់ បានរងរបួសធ្ងន់ធ្ងរ។

សហរដ្ឋអាមេរិក និងអ៊ីស្រាអែល បានចាប់ផ្តើមប្រតិបត្តិការយោធាប្រឆាំងនឹងអ៊ីរ៉ង់ នៅថ្ងៃទី២៨ ខែកុម្ភៈ ដោយវាយប្រហារទីក្រុងធំៗ រួមទាំងទីក្រុងតេអេរ៉ង់ផងដែរ។ សេតវិមានបានបង្ហាញភាពត្រឹមត្រូវនូវការវាយប្រហារនេះ ដោយលើកឡើងពីការគំរាមកំហែងដោយមីស៊ីល និងនុយក្លេអ៊ែរពីអ៊ីរ៉ង់។ កងឆ្មាំបដិវត្តន៍ឥស្លាមអ៊ីរ៉ង់ បានសងសឹកដោយការវាយប្រហារយ៉ាងទូលំទូលាយទៅលើអ៊ីស្រាអែល និងមូលដ្ឋានយោធារបស់សហរដ្ឋអាមេរិកនៅក្នុងប្រទេសបារ៉ែន ហ្ស៊កដានី កាតា កូវ៉ែត អេមីរ៉ាតអារ៉ាប់រួម និងអារ៉ាប៊ីសាអ៊ូ     ឌីត។ លោក Ayatollah Ali Khamenei និងឥស្សរជនសំខាន់ៗរបស់អ៊ីរ៉ង់មួយចំនួនទៀត ត្រូវបានសម្លាប់៕