ភ្នំពេញ៖ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល មានព្រះរាជហឫទ័យរីករាយ ចូលរួមនូវវិភាគទាន​ទឹកប្រាក់ចំនួន ៥០.០០០ដុល្លារ (ហាសិបពាន់ដុល្លារអាមេរិក) ជាព្រះរាជូបត្ថម្ភដល់ទិវាពិភពកាកបាទក្រហម អឌ្ឍចន្ទក្រហម ៨ឧសភា ឆ្នាំ២០២២ ខួបលើកទី១៥៩ សម្រាប់ប្រើប្រាស់ក្នុងសកម្មភាព​មនុស្សធម៌កាក​បាទ​ក្រហមកម្ពុជា​ តាមរយៈសម្តេចចៅហ្វាវាំង​ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង។