រដ្ឋមន្រ្តីការពារជាតិអ៊ីស្រាអែលលោក Israel Katz និយាយថា អ៊ីស្រាអែល បានបើកការវាយប្រហារលើទីតាំងគីមីឥន្ធនៈធំបំផុតរបស់អ៊ីរ៉ង់ ស្ថិតក្នុងទីក្រុង Asaluyeh នាថ្ងៃចន្ទនេះ គឺជាអ្វីមួយដែលលោកចាត់ទុកថាជាការប៉ះពាល់សេដ្ឋកិច្ចដ៏ធ្ងន់ធ្ងរមួយដល់ទីក្រុងតេអេរ៉ង់ ។

ទីភ្នាក់ងារព័ត៌មាន Fars រាយការណ៍ថា ការផ្ទុះជាច្រើន ត្រូវបានគេឮនៅទីតាំងជីមីឥន្ធនៈ South Pars របស់អ៊ីរ៉ង់ ស្ថិតក្នុងទីក្រុង Asaluyeh ។

ចំណែកឯទីភ្នាក់ងារ Tasnimរាយការណ៍ថា ក្រុមហ៊ុនជាច្រើនដែលផ្តល់អគ្គិសនី ទឹក និងអុកស៊ីសែនដល់ទីក្រុង Asaluyeh ត្រូវបានរងការវាយប្រហារ ប៉ុន្តែក្រុមហ៊ុនគីមីឥន្ធនៈ Pars ពុំរងការខូចខាតនោះទេ ហើយការផ្គត់ផ្គង់អគ្គិសនីដល់អង្គភាពជីមីឥន្ធនៈ Asaluyeh ត្រូវបានកាត់ផ្តាច់ ។

កាលពីខែមីនា អ៊ីស្រាអែលបានវាយប្រហារប្រភពថាមពលដ៏សំខាន់របស់អ៊ីរ៉ង់ គឺតំបន់ឧស្ម័ន South Pars ហើយនិងហេដ្ឋារចនាសម្ព័ន្ធរបស់ពួកគេ នៅមជ្ឈមណ្ឌលដំណើរការ Asaluyeh ជំរុញឲ្យមានការវាយប្រហាររបស់អ៊ីរ៉ង់វិញ លើគោលដៅថាមពលនៅទូទាំងតំបន់មជ្ឈិមបូព៌ា ៕