រយៈពេលប៉ុន្មានថ្ងៃក្រោយអ៊ីរ៉ង់បិទការដឹកជញ្ជូនឆ្លងកាត់ច្រកសមុទ្រ Hormuz បន្ទាប់ពីការវាយប្រហាររបស់សហរដ្ឋអាមេរិក-អ៊ីស្រាអែលលើទីក្រុងតេអេរ៉ង់កាលពីចុងខែកុម្ភៈ ហាងលក់ម៉ូតូអគ្គិសនី ២កន្លែង មើលឃើញការហក់ឡើងខ្ពស់ចំនួនអតិថជន ។

លោក Haseeb Bhatti គឺជាម្ចាស់ហាងលក់ម៉ូតូអគ្គិសនីមួយកន្លែងនៅទីក្រុង Rawalpindi និយាយថា ការលក់ក្នុងខែមីនា បានកើនឡើងចំនួន ៧០ភាគរយ ។ 

ចំណែកឯលោក Ali Gohar Khan ដែលគ្រប់គ្រងហាងលក់ម៉ូតូអគ្គិសនីដែរនោះ និយាយថា ការហក់ឡើងខ្ពស់ចំនួនលក់កាលពីពេលថ្មីៗនេះ គឺជាការកើនឡើងលឿនបំផុតពុំធ្លាប់មានកាលពីមុន ។

វិបត្តិមជ្ឈិមបូព៌ា បានធ្វើឲ្យតម្លៃប្រេងសកលហក់ឡើងខ្ពស់ បង្កផលប៉ះពាល់ដល់ពលរដ្ឋប៉ាគីស្ថានដែលជួបអតិផរណារួចទៅហើយៗនិងវិបត្តិសេដ្ឋកិច្ចក្រោយការរីករាលដាលឆ្លងសកលជំងឺ COVID-19 ។

ស្របពេលដែលពួកគេនាំចូលប្រេងស្ទើទាំងស្រុងឆ្លងកាត់ច្រកសមុទ្រ Hormuz កង្វះខាតនេះ ធ្វើឲ្យមានផលវិបាកកាន់តែធ្ងន់ធ្ងរ បើទោះបីជាមានការធានាចំពោះការផ្គត់ផ្គង់របស់រដ្ឋាភិបាលក៏ដោយ ៕