បន្ទាយមានជ័យ:​ ឯកឧត្តមទេសរដ្ឋមន្រ្តី គន់ គីម អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា នៅថ្ងៃទី៣ ខែមេសា ឆ្នាំ២០២២នេះ បានអញ្ជើញសំណេះសំណាលជាមួយអតូតយុទ្ធជនខេត្តបន្ទាយមានជ័យចំនួនជាង ៤០០នាក់ ជាប្រភេទក១ និងក២។

ក្នុងឱកាសនោះ​ ឯកឧត្តម គន់ គីម មានប្រសាសន៍ថា ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្រ្តី និងជាប្រធានសមាគមអតីតយុទ្ធជនកម្ពុជា តែងតែបន្តយកចិត្តទុកដាក់ចំពោះអតីតយុទ្ធជនគ្រប់រូបជាប្រចាំ។

ឯកឧត្តមបញ្ជាក់ថា ការយកចិត្តទុកដាក់ចំពោះមុខរបស់សម្តេចតេជោ​ ហ៊ុន​ សែន​ នាយករដ្ឋមន្រ្តី​ សំខាន់បំផុតជូនអតីតយុទ្ធជននោះគឺ​ការបង្កេីនប្រាក់​ ឬបៀវត្សរ៍ជូនអតីតយុទ្ធជនដែលមានថវិកាទាប​ ឲ្យទទួលបានថវិកាច្រើនជាងមុន​ ក្រោយពីរាជរដ្ឋាភិបាលបានផ្អាកការដំឡេីងប្រាក់បៀវត្សរ៍រយៈពេល២ឆ្នាំកន្លងទៅ​ ដោយសារវិបត្តិកូវីដ-១៩។ 

ឯកឧត្តម​ គន់​ គីម​ បានផ្តាំផ្ញើដល់អតីតយុទ្ធជនទាំងអស់បន្តអនុវត្តវិធានការសុខាភិបាល និងការចាក់វ៉ាក់សាំងដូសជំរុញឲ្យបានគ្រប់ៗគ្នា។ អត្ថបទ​ សេក​ ឧត្តម​