នាវាដឹកឧស្ម័នធម្មជាតិរាវ(LPG)ដោតទង់ជាតិឥណ្ឌា Green Asha បានធ្វើដំណើរមកដល់កំពង់ផែ Jawaharlal Nehru របស់ទីក្រុងម៉ុមបៃ កាលពីថ្ងៃព្រហស្បតិ៍ ក្រោយធ្វើដំណើរឆ្លងកាត់ច្រកសមុទ្រ Hormuz ក្នុងរយៈពេល ២ថ្ងៃចុងក្រោយនេះ ។

ការធ្វើនាវាចរណ៍ឆ្លងកាត់ច្រកសមុទ្រដ៏សំខាន់មួយនេះ បន្តជាប់គាំង ក្នុងនោះការធ្វើដំណើររបស់នាវាតិចតួចប៉ុណ្ណោះ ត្រូវបានគេមើលឃើញចាប់តាំងពីសង្រ្គាមសហរដ្ឋអាមេរិក-អ៊ីស្រាអែលលើអ៊ីរ៉ង់ ចាប់ផ្តើមកាលពីថ្ងៃទី ២៨ ខែកុម្ភៈ ហើយនាវា ២-៣គ្រឿងប៉ុណ្ណោះ បានធ្វើនាវាចរណ៍រាល់ថ្ងៃ ។

យោងតាមការវិភាគពីទិន្នន័យតាមដានផ្លូវដឹកជញ្ជូន បានឲ្យដឹងថា នាវាដឹកប្រេង ១គ្រឿង និងនាវាដឹកទំនិញ ៥គ្រឿង បានធ្វើដំណើរឆ្លងកាត់ច្រកសមុទ្រ Hormuz ក្នុងរយៈពេល ២៤ម៉ោងកន្លងមកនេះ បើទោះបីជាសហរដ្ឋអាមេរិក និងអ៊ីរ៉ង់ បានឈានដល់បទឈប់បាញ់រយៈពេល ២សប្តាហ៍ក៏ដោយ ។

ការប៉ាន់ស្មានទីផ្សារបានឲ្យដឹងថា នេះបើធៀងនឹងកាលពីមុនសង្រ្គាមផ្ទុះឡើងវិញ នាវាជាមធ្យម ១៤០គ្រឿង ក្នុង ១ថ្ងៃ បានធ្វើដំណើរឆ្លងកាត់ច្រកសមុទ្រ Hormuz ៕