អ្នកគាំទ្រចលនាក្រុមហ៊ូទីរាប់ពាន់នាក់នៅប្រទេសយេម៉ែន បានប្រមូលផ្តុំគ្នានៅទីក្រុងសាណា កាលពីថ្ងៃសុក្រ ទី១០ ខែមេសា ដើម្បីអបអរ អ្វីដែលពួកគេបានពិពណ៌នាថាជា «ជ័យជម្នះ» របស់អ៊ីរ៉ង់ និងសម្ព័ន្ធមិត្តក្នុងតំបន់របស់ខ្លួនលើសហរដ្ឋអាមេរិក និងអ៊ីស្រាអែល បន្ទាប់ពីការប្រឈមមុខដាក់គ្នារយៈពេលជិត៤០ ថ្ងៃ។

ហ្វូងមនុស្សបានទៅពាសពេញទីលានមួយកន្លែង ដោយគ្រវីទង់ជាតិយេម៉ែន អ៊ីរ៉ង់ និងប៉ាឡេស្ទីន និងបានស្រែកពាក្យស្លោកគាំទ្រដល់ចលនាតស៊ូ ដែលជាសម្ព័ន្ធមិត្តសេរីភាព រួមមានអ៊ីរ៉ង់ និងក្រុមប្រដាប់អាវុធសម្ព័ន្ធមិត្ត នៅទូទាំងតំបន់។

  ក្រុមបាតុករ បានចាត់ទុកលទ្ធផលនៃជម្លោះថា ជាជ័យជម្នះយុទ្ធសាស្ត្រសម្រាប់អ៊ីរ៉ង់។

ក្រុមឧទ្ទាមហ៊ូTI ដែលមានសម្ព័ន្ធភាពជាមួយអ៊ីរ៉ង់នៅក្នុងប្រទេសយេម៉ែន បាននិយាយថា ការចូលរួមរបស់ពួកគេនៅក្នុងប្រតិបត្តិការយោធារួមគ្នាជាមួយក្រុមសម្ព័ន្ធមិត្តប្រឆាំងនឹងអ៊ីស្រាអែល គឺជាផ្នែកមួយនៃយុទ្ធសាស្ត្ររយៈពេលវែង និងកាន់តែកើនឡើង ដែលអាចរួមបញ្ចូលការវាយប្រហារដ៏ភ្ញាក់ផ្អើលមិននឹកស្មានដល់ និងមានជម្រើសយោធាកាន់តែខ្លាំងក្លាជាងនេះ។