​បាល់ទាត់៖ ​ការប្រកួត​ UEFA Champions League វគ្គ ៨ក្រុម​ចុងក្រោយ​នឹងត្រូវ​ចាប់ឆ្នោត​នៅ​ថ្ងៃ​សុក្រ​នេះហើយនៅ​ប្រទេស​ស្វ៊ី​ស​ ដែល​រួមមាន​ទាំង​ការចាប់​ឆ្នោត​វគ្គ​ពាក់កណ្តាល​ផ្តាច់ព្រ័ត្រ​តែម្តង និង​ក្របខណ្ឌ UEFA Europa League ផងដែរ​។ ​​លក្ខខណ្ឌ​នៃ​ការចាប់​ឆ្នោត​មិន​តឹង​រ៉ឺ​ង​ទៀតឡើយ ពោលគឺ​ក្រុម​មកពី​ប្រទេស​តែមួយ​ក៏​អាច​ជួបគ្នា​បានដែរ​។​

​​ក្រុម​​អង់គ្លេស​ដែល​ឈាន​មកដល់​វគ្គ​នេះ​មាន​ដល់​ទៅ​ ៣ ​រួមមាន Manchester City, Liverpool និង Chelsea ខណៈ​ក្រុម​អាល្លឺម៉ង់​មាន ២ គឺ Bayern Munich និង Borussia Dortmund​។ អេ​ស្ប៉ា​ញ​នៅសល់​តែមួយ​ទេ​គឺ Real Madrid, ព័រទុយហ្កាល់​មួយ​គឺ FC Porto និង​បារាំង​មួយ Paris Saint Germain​។​ ​​បន្ទាប់ពី​ការចាប់​ឆ្នោត​វគ្គ ៨ក្រុម និង​ពាក់កណ្តាល​ផ្តាច់ព្រ័ត្រ នឹងមាន​ការចាប់​ឆ្នោត​ជ្រើសរើស​ក្រុម​ណា​ឈរ​ពីមុខនៅ​វគ្គ​ផ្តាច់ព្រ័ត្រ ​ដែល​នឹង​ធ្វើឡើង​នៅ​កីឡដ្ឋាន Ataturk Olympic Stadium ទីក្រុង Istanbul ប្រទេស​ទួរគី​។

​​ការប្រកួត​វគ្គ ៨ក្រុម​ចុងក្រោយ​នឹងធ្វើ​ឡើង​នៅ​ថ្ងៃទី៦-៧ ខែមេសា​ជើង​ទី១ និង​ថ្ងៃទី១៣-១៤ ខែមេសា​ដដែលជើង​ទី២​។ ​​ចំណែក​ក្របខណ្ឌ​ទី២ Europa League វិញ​ក៏​មិន​ខុសគ្នា​ដែរដោយ​នឹង​បន្ត បន្ទាប់ពី​ការចាប់​ឆ្នោត UCL រួចហើយ​។ ​​វគ្គ ៨ក្រុម​ចុងក្រោយ​នឹងធ្វើ​ឡើង​នៅ​ថ្ងៃទី៨ ខែមេសា និង ១៥ ខែមេសា​ជើង​ទី២​។ ចំណែក​វគ្គ​ផ្តាច់ព្រ័ត្រ​នឹងធ្វើ​ឡើង​នៅ​កីឡដ្ឋាន Gdansk ប្រទេស​ប៉ូឡូញ​។ ​​ការចាប់​ឆ្នោត​ទាំង ២ ក្របខណ្ឌ​នឹងមាន​ការផ្សាយ​ផ្ទាល់​ នៅលើ​បណ្តាញ​សង្គម​ហ្វេ​ស​ប៊ុ​ក​ផ្លូវការ​របស់ UEFA Champions League និង UEFA Europa League៕

​អត្ថបទ​៖​នាង សុភា​វុ​ធ