លោក Alfred de Zayas អតីតអ្នកជំនាញឯករាជ្យរបស់អង្គការសហប្រជាជាតិទទួលបន្ទុកការលើកកម្ពស់សណ្តាប់ធ្នាប់អន្តរជាតិបែបប្រជាធិបតេយ្យ និងសមធម៌ បាននិយាយថា សហរដ្ឋអាមេរិក ត្រូវបានបន្ទោសចំពោះការបរាជ័យនៃការចរចានៅទីក្រុងអ៊ីស្លាម៉ាបាដនៃប្រទេសប៉ាគីស្ថាន ជាមួយអ៊ីរ៉ង់។ 

លោកបានសរសេរនៅលើបណ្តាញសង្គម X ថា៖«ការបរាជ័យនៃ«ការចរចា» នៅក្នុងប្រទេសប៉ាគីស្ថាន គឺជាកំហុសរបស់សហរដ្ឋអាមេរិក ដែលកម្រនឹងចរចាដោយស្មោះត្រង់ អនុវត្តមិនស្មោះត្រង់ និងទទូចឲ្យធ្វើការទាមទារអតិបរមា។ សហរដ្ឋអាមេរិក មិនចាប់អារម្មណ៍នឹងការផ្តល់ផលប្រយោជន៍ទៅវិញទៅមកទេ ប៉ុន្តែគ្រាន់តែបញ្ជាឲ្យធ្វើប៉ុណ្ណោះ»។

យោងតាមអ្នកជំនាញរូបនេះ ពិភពលោកបានដឹងថា សហរដ្ឋអាមេរិក និងអ៊ីស្រាអែល បានបំពានកិច្ចព្រមព្រៀងស្ទើរតែទាំងអស់ដែលពួកគេបានចូលរួម ឬបកស្រាយឡើងវិញជាឯកតោភាគី ដើម្បីទទួលបានអត្ថប្រយោជន៍ដែលភាគីម្ខាងទៀតមិនយល់ព្រមនោះ»៕