ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅរសៀលថ្ងៃទី១៧ ខែមេសា ឆ្នាំ២០២៦ បានដឹកនាំប្រជុំនៅទីបញ្ជាការស្រាលវត្តភ្នំ ដើម្បីពង្រឹងសន្តិសុខ សណ្ដាប់ធ្នាប់ សុវត្ថិភាពបន្ថែមជូនប្រជាពលរដ្ឋ ភ្ញៀវជាតិនិងអន្តរជាតិ ដែលមកដើរលេងកំសាន្តសប្បាយ នៅក្នុងព្រឹត្តិការណ៍នគរសង្ក្រាន្ត។

សូមជម្រាបថា សហភាពសហព័ន្ធយុវជនកម្ពុជា សហការជាមួយរដ្ឋបាលរាជធានីភ្នំពេញបានរៀបចំព្រឹត្តិការណ៍នគរសង្ក្រាន្ត រយៈពេល ៦ថ្ងៃ ពីថ្ងៃទី១៤ ដល់ថ្ងៃទី១៩ ខែមេសា ឆ្នាំ២០២៦ ដើម្បីឲ្យប្រជាពលរដ្ឋបានដើរលេងកម្សាន្តសប្បាយនៅក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។ ក្នុងព្រឹត្តិការណ៍នគរសង្ក្រាន្តឆ្នាំ២០២៦ មានរៀបចំនៅរមណីយដ្ឋានប្រវត្តិសាស្រ្តវត្តភ្នំ សួនច្បារស្ពាននាគ សួនច្បារមុខវត្តបទុមវតី តំបន់បាសាក់លែន ផ្លូវថ្មើរជើងចតុមុខ (Walkstreet) ផ្លូវ១៥៥ និងបរិវេណផ្សារទួលទំពូង៕