ទីក្រុងអ៊ីស្តង់ប៊ុល, តួកគីយ៉េ ៖ គណៈប្រតិភូសភាកម្ពុជា ដឹកនាំដោយ ឯកឧត្តម អ៊ុច បូររិទ្ធ អនុ​ប្រធាន​ទី​១ នៃព្រឹទ្ធសភា និងជាប្រធានគណៈប្រតិភូ កាលពីល្ងាច ថ្ងៃទី១៧ ខែមេសា ឆ្នាំ២០២៦

បាន​បន្ត​បេសកកម្មការទូតយ៉ាងមមាញឹក ក្នុងក្របខ័ណ្ឌនៃមហាសន្និបាតលើកទី១៥២ នៃ​សហភាព​អន្តរសភា។

ក្នុងឱកាសនោះ លោកជំទាវ ខេង សំវ៉ាដា អនុប្រធានគណៈកម្មការទី៧ នៃរដ្ឋសភា និង ឯកឧត្តម​បណ្ឌិត សម តារា អនុប្រធានគណៈកម្មការទី១ នៃរដ្ឋសភា បានអញ្ជើញចូលរួមអមដំណើរ ឯកឧត្តម អ៊ុច បូររិទ្ធ ចូលជួបសម្តែងការគួរសម និងពិភាក្សាការងារទ្វេភាគីជាមួយ ឯកឧត្តម Numan Kurtulmus ប្រធានរដ្ឋសភានៃសាធារណរដ្ឋតួកគីយ៉េ ដើម្បីពង្រឹងកិ​ច្ចស​ហ​ប្រតិបត្តិ​ការ​សភា ​និងចំណងមិត្តភាពរវាងប្រទេសទាំងពីរ។

បន្ទាប់ពីជំនួបទ្វេភាគី លោកជំទាវ ខេង សំវ៉ាដា និង ឯកឧត្តមបណ្ឌិត សម តារា ក៏បាន​អញ្ជើញចូ​ល​រួមអ​មដំណើរប្រធានគណៈប្រតិភូ ក្នុងមហាសន្និបាតលើកទី១៥២ នៃសហភាពអន្តរសភា ដើម្បី​ថ្លែង​សុន្ទរកថាជាផ្លូវការ ក្រោមប្រធានបទដ៏មានសារៈសំខាន់គឺ «ការបណ្តុះក្តីសង្ឃឹម ការ​ធា​នា​បាន​នូវសន្តិភាព និងយុត្តិធម៌សម្រាប់មនុស្សជំនាន់ក្រោយ»៕