កងកម្លាំងការពារអ៊ីស្រាអែល (IDF) បាននិយាយថា កងទ័ពអាកាសអ៊ីស្រាអែល បានវាយប្រហារក្រុមជ្រុលនិយមប្រដាប់អាវុធ ២ក្រុម នៅភាគខាងត្បូងប្រទេសលីបង់ ដែលបានចូលទៅជិតកងទ័ពអ៊ី      ស្រាអែល ដោយរំលោភលើកិច្ចព្រមព្រៀងឈប់បាញ់។  

កងទ័ពអ៊ីស្រាអែល បាននិយាយថា៖«ទាហាន IDF បានកំណត់អត្តសញ្ញាណភេរវករ នៅក្នុងតំបន់ Bint Jbeil ដែលបានរំលោភលើកិច្ចព្រមព្រៀងឈប់បាញ់ដោយប្រតិបត្តិការនៅក្នុងតំបន់ការពារជួរមុខ ហើយបានចូលទៅជិតទាហាន ដែលបង្កការគំរាមកំហែងដល់ពួកគេ។ បន្ទាប់ពីការកំណត់អត្តសញ្ញាណ កងទ័ពអាកាសអ៊ីស្រាអែល ដែលធ្វើសកម្មភាពតាមទិសដៅរបស់ទាហានជើងគោក បានវាយប្រហារ និងសម្លាប់ភេរវករ ដើម្បីបញ្ចប់ការគំរាមកំហែង»។

កងទ័ពអ៊ីស្រាអែល បានបន្ថែមថា៖«នៅក្នុងឧប្បត្តិហេតុបន្ថែមមួយ ទាហាន IDF បានកំណត់អត្តសញ្ញាណភេរវករ នៅក្នុងតំបន់ Litani ដែលបានរំលោភលើកិច្ចព្រមព្រៀងឈប់បាញ់ដោយប្រតិបត្តិការនៅក្នុងតំបន់ការពារជួរមុខ ហើយបានចូលទៅជិតកងទ័ព ដែលបង្កការគំរាមកំហែងដល់ពួកគេ។ បន្ទាប់ពីការកំណត់អត្តសញ្ញាណ កងទ័ពអាកាសអ៊ីស្រាអែល ដែលធ្វើសកម្មភាពតាមទិសដៅរបស់ទាហានជើងគោក បានវាយប្រហារភេរវករ និងសម្លាប់ពួកគេ»៕