សេចក្តីប្រកាសរួមមួយពីប្រេស៊ីល និងអាល្លឺម៉ង់ដែលបានចុះហត្ថលេខាអំឡុងពេលពិគ្រោះយោបល់នៅទីក្រុង Hanover បានបញ្ជាក់ថា ជម្លោះនៅអ៊ុយក្រែន ត្រូវតែដោះស្រាយតាមរយៈការចរចា ដើម្បីសម្រេចបាននូវសន្តិភាពដ៏ទូលំទូលាយ និងយូរអង្វែង។  

សេចក្តីប្រកាសនេះ បានឲ្យដឹងថា៖«ភាគីនានាបានបញ្ជាក់ជាថ្មីនូវការព្រួយបារម្ភយ៉ាងខ្លាំងរបស់ពួកគេអំពីសង្គ្រាមដែលកំពុងបន្តនៅអ៊ុយក្រែន និងស្វាគមន៍ចំពោះកិច្ចខិតខំប្រឹងប្រែង ដើម្បីសម្រេចបាននូវដំណោះស្រាយសន្តិភាពដ៏ទូលំទូលាយ យុត្តិធម៌ និងយូរអង្វែង»។

ប្រធានាធិបតីប្រេស៊ីល លោក Luiz Inacio Lula da Silva ដែលឥឡូវនេះកំពុងបំពេញទស្សនកិច្ចនៅប្រទេសអាល្លឺម៉ង់ បានជួបពិភាក្សាជាមួយអធិការបតីអាល្លឺម៉ង់ លោក Friedrich Merz។ ពួកគេបានព្រមព្រៀងគ្នា ដើម្បីបង្កើនកិច្ចសហប្រតិបត្តិការសេដ្ឋកិច្ច និងចូលរួមចំណែកក្នុងការពង្រឹងការសន្ទនារវាងសហភាពអឺរ៉ុប និងទីផ្សាររួមភាគខាងត្បូង (Mercosur)៕