អគ្គមេបញ្ជាការកងទ័ពអ៊ីរ៉ង់ លោកឧត្តមសេនីយ៍ទោ Amir Hatami បាននិយាយនៅថ្ងៃពុធនេះថា ប្រទេសនេះ នឹងប្រយុទ្ធរហូតដល់ទីបញ្ចប់។ 

ទីភ្នាក់ងារសារព័ត៌មាន Tasnim បានដកស្រង់សម្តីរបស់ លោក Hatami ដែលបាននិយាយថា៖«ថ្ងៃនេះ នៅពេលដែលប្រទេសនេះ និងប្រជាជនជាទីស្រឡាញ់របស់យើង កំពុងត្រូវបានវាយប្រហារដោយសត្រូវដ៏ឧក្រិដ្ឋបំផុត ពួកគេនឹងប្រយុទ្ធប្រកៀកស្មាគ្នា រហូតដល់ដំណក់ឈាមចុងក្រោយ ហើយទទួលបានជ័យជម្នះចុងក្រោយ»។

សហរដ្ឋអាមេរិក និងអ៊ីស្រាអែល បានចាប់ផ្តើមប្រតិបត្តិការយោធាប្រឆាំងនឹងអ៊ីរ៉ង់ នៅថ្ងៃទី ២៨ ខែកុម្ភៈ។ ទីក្រុងតេអេរ៉ង់បានសម្រេចចិត្តបិទច្រកសមុទ្រហ័រមូសចំពោះនាវាដែលមានទំនាក់ទំនងជាមួយសហរដ្ឋអាមេរិក អ៊ីស្រាអែល និងប្រទេសដែលគាំទ្រការឈ្លានពានប្រឆាំងនឹងអ៊ីរ៉ង់។ នៅថ្ងៃទី ០៧ ខែមេសា ទីក្រុងវ៉ាស៊ីនតោន បានប្រកាសពីបទឈប់បាញ់ «ទ្វេភាគី» រយៈពេលពីរសប្តាហ៍ជាមួយអ៊ីរ៉ង់។ យោងតាមសេវាសង្គ្រោះបន្ទាន់របស់អ៊ីរ៉ង់ មនុស្សសរុបចំនួន ៣,៣៧៥ នាក់ ត្រូវបានសម្លាប់ នៅក្នុងការវាយប្រហាររបស់សហរដ្ឋអាមេរិក និងអ៊ីស្រាអែល ក្នុងរយៈពេល ៤០ថ្ងៃនៃសង្គ្រាមនេះ៕