រដ្ឋមន្ត្រីក្រសួងអាកាសចរណ៍ លោក Festus Keyamo បាននិយាយកាលពីថ្ងៃពុធថា ប្រធានាធិបតីប្រទេសនីហ្សេរីយ៉ា លោក Bola Tinubu បានព្រមព្រៀងជាគោលការណ៍ក្នុងការលុបចោលបំណុលមួយចំនួនរបស់ក្រុមហ៊ុនអាកាសចរណ៍ក្នុងស្រុកទៅឱ្យទីភ្នាក់ងារអាកាសចរណ៍ ក្រោយការចរចាទទួលបានជោគជ័យ បន្ទាប់ពីក្រុមហ៊ុនអាកាសចរណ៍បានគំរាមបញ្ឈប់ប្រតិបត្តិការដោយសារតែតម្លៃប្រេងឥន្ធនៈឡើងខ្ពស់។

លោក Tinubu បានស្នើសុំឱ្យដាក់សំណើជាផ្លូវការភ្លាមៗ ដោយភាគរយនៃការលុបចោលនឹងត្រូវកំណត់ដោយលោកផ្ទាល់។

រដ្ឋាភិបាល ក៏នឹងបង្កើតគណៈកម្មាធិការមួយដើម្បីពិនិត្យឡើងវិញនូវពន្ធ និងថ្លៃសេវាលើសំបុត្រយន្តហោះក្នុងស្រុក ដើម្បីណែនាំឲ្យបន្ធូរបន្ថយសម្ពាធលើក្រុមហ៊ុនអាកាសចរណ៍ និងអ្នកដំណើរ។

លោក Patience Oyekunle រដ្ឋមន្តរីក្រសួងប្រេងឥន្ធនៈបាននិយាយបន្ទាប់ពីជុំនៃការចរចាថា ក្រុមហ៊ុនទីផ្សារប្រេងឥន្ធនៈ នឹងជួបជាមួយមន្ត្រីនៅថ្ងៃព្រហស្បតិ៍នេះ ដើម្បីព្យាយាមដោះស្រាយវិវាទលើតម្លៃប្រេងឥន្ធនៈឲ្យបានឆាប់រហ័ស។