ចំហេះព្រៃបានឆាបឆេះឡើងកាលពីថ្ងៃពុធ (ទី២២ ខែមេសា ឆ្នាំ២០២៦) នៅទីតាំង ២កន្លែង ក្នុងទីក្រុងតែមួយ ក្នុងខេត្ត Iwate ភាគឦសាននៃប្រទេសជប៉ុន ដែលជំរុញឲ្យអាជ្ញាធរមូលដ្ឋានប្រាប់ប្រជាជនជាង ១.០០០នាក់ជម្លៀសចេញ ខណៈពេលដែលស្នើសុំជំនួយពីកងកម្លាំងស្វ័យការពារ ដើម្បីទប់ទល់នឹងអណ្តាតភ្លើងទាំងនេះ។

ចំហេះដំបូងបានកើតមានឡើងនៅក្នុងតំបន់ Kozuchi នៃទីក្រុង Otsuchi នៅម៉ោងប្រហែល ១:៥០រសៀល ម៉ោងក្នុងស្រុក ដោយឆេះរាលដាលដល់អគារជាច្រើនខ្នង និងព្រៃឈើនៅក្បែរនោះ។

ហើយបើយោងតាមនគរបាល និងប្រភពផ្សេងទៀត បានឲ្យដឹងថា នៅចម្ងាយប្រហែល ១០គីឡូម៉ែត្រ ចំហេះមួយទៀត បានឆាបឆេះឡើងនាពេលរសៀល នៅតំបន់ភ្នំនៃតំបន់ Kirikiri។

ទីក្រុងនេះបានណែនាំមនុស្សសរុបចំនួន ១.០៧៧នាក់ មកពី ៥៦៦គ្រួសារ ដែលរស់នៅក្បែរចំហេះទី២ ឲ្យជម្លៀសចេញ។ យ៉ាងណាក្ដី មិនមានរបាយការណ៍អំពីអ្នកស្លាប់ និងរបួស ដោយសារចំហេះព្រៃទាំង២ នេះនោះទេ។ 

ស្ថាប័នអង្កេតអាកាសធាតុ ក្នុងស្រុក បានព្រមានអំពីការមានខ្យល់ស្ងួត និងខ្យល់បក់ខ្លាំង នៅទីក្រុង Otsuchi៕