ព្រះសីហនុ៖ នៅថ្ងៃទី២៩ ខែមេសា ឆ្នាំ២០២៦នេះ នាវាទេសចរណ៍ VIKING ORION សញ្ជាតិ NORWAY មួយគ្រឿង បានដឹកភ្ញៀសទេសចរ និងនាវិកជាង ១ពាន់នាក់ចូលសំចត និងទស្សនាតំបន់ទេសចរណ៍នានា នៅខេត្តព្រះសីហនុ។

ការមកដល់របស់ នាវាទេសចរណ៍ VIKING ORION សញ្ជាតិ NORWAY ទទួលបានការសូមស្វាគមន៍យ៉ាងកក់ក្ដៅពីអាជ្ញាធរខេត្តព្រះសីហនុ ដែលបានចូលចតនៅកំពង់ផែស្វយ័តក្រុងព្រះសីហនុដោយសុវត្ថិភាព។

មន្ទីរទេសចរណ៍ខេត្តព្រះសីហនុបញ្ជាក់ថា ក្រោមការចង្អុលបង្ហាញពីឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ មន្ទីរទេសចរណ៍ខេត្តព្រះសីហនុ បានអញ្ជើញទទួលស្វាគមន៍យ៉ាងកក់ក្តៅដល់ភ្ញៀវទេសចរ ចំនួន ៨២២នាក់ ដែលមាន ២៣សញ្ជាតិ និងនាវិកចំនួន ៤៦៧នាក់ ដែលមាន ៣០សញ្ជាតិ បានចុះពីនាវាទេសចរណ៍ VIKING ORION សញ្ជាតិ NORWAY មានបណ្តោយប្រវែង ២២៨.៣០ម៉ែត្រ និងទទឹងប្រវែង ២៨.៨០ម៉ែត្រ ជម្រៅ ៦.៦៥ម៉ែត្រ និងបានផ្ដល់ព័ត៌មានអំពីតំបន់សក្តានុពលទេសចរណ៍សំខាន់ៗរបស់ខេត្តព្រះសីហនុ ជូនភ្ញៀវបានយ៉ាងល្អប្រសើរ៕












