មនុស្សជិត ៨ លាននាក់ នៅស៊ូដង់ខាងត្បូង ប្រឈមនឹងហានិភ័យនៃភាពអត់ឃ្លាន ខណៈដែលជម្លោះ និងការផ្លាស់ទីលំនៅធ្វើឲ្យវិបត្តិមនុស្សធម៌ដ៏ធ្ងន់ធ្ងររួចទៅហើយកាន់តែអាក្រក់ឡើងៗ។ នេះបើយោងតាមរបាយការណ៍របស់អង្គការសហប្រជាជាតិ។

របាយការណ៍ដែលបានចេញផ្សាយនៅថ្ងៃអង្គារ បានព្រមានថា មនុស្ស ៧,៨ លាននាក់ នៅក្នុងប្រទេសអាហ្វ្រិកខាងលិច នឹងទទួលរងនូវកម្រិតអសន្តិសុខស្បៀងកម្រិតខ្ពស់ នៅក្នុងខែខាងមុខ គឺស្មើនឹង ៥៦ ភាគរយនៃចំនួនប្រជាជន។

អង្គការស្បៀងអាហារ និងកសិកម្ម (FAO) កម្មវិធីស្បៀងអាហារពិភពលោក (WFP)និងមូលនិធិកុមារអង្គការសហប្រជាជាតិ (UNICEF) បានអំពាវនាវដល់សហគមន៍អន្តរជាតិឲ្យចាត់វិធានការជាបន្ទាន់ដើម្បីទប់ស្កាត់អ្វីដែលពួកគេបានពិពណ៌នាថា ជា «គ្រោះមហន្តរាយមនុស្សធម៌ដែលមិនអាចត្រឡប់វិញបាន»។

របាយការណ៍នេះ បញ្ជាក់ថា ចំនួនកុមារដែលមានអាយុចន្លោះពី ៦ខែ ដល់ ៥ឆ្នាំ ដែលកំពុងទទួលរងនូវកង្វះអាហារូបត្ថម្ភស្រួចស្រាវ បានកើនឡើង ១០០.000នាក់ ក្នុងរយៈពេល ៦ខែ កន្លងមកនេះ ដល់ចំនួនសរុប២,២លាននាក់ ដោយបានប៉ាន់ប្រមាណថា កុមារ ៧០០.000នាក់ កំពុងប្រឈមនឹងហានិភ័យធ្ងន់ធ្ងរនៃការស្លាប់៕