បន្ទាប់ពីការសន្ទនាតាមទូរស័ព្ទជាមួយសមភាគីរុស្ស៊ីរបស់ខ្លួន គឺលោក វ្ល៉ាឌីមៀ ពូទីន (Vladimir Putin) ប្រធានាធិបតីអាមេរិកលោក ដូណាល់ ត្រាំ (Donald Trump) បាននិយាយថា ជម្លោះនៅក្នុងប្រទេសអ៊ីរ៉ង់ និងអ៊ុយក្រែន អាចនឹងបញ្ចប់ «នៅលើកាលវិភាគស្រដៀងគ្នា»។

លោក ត្រាំ បានប្រាប់អ្នកឆ្លើយឆ្លងព័ត៌មាន CNNថា៖«សង្គ្រាមមួយណា នឹងត្រូវបញ្ចប់មុនគេ? ខ្ញុំមិនដឹងទេ។ ប្រហែលជាពួកវា គឺស្ថិតនៅលើកាលវិភាគស្រដៀងគ្នា។ ខ្ញុំគិតថា សម្រាប់អ៊ុយក្រែន ខាងយោធា ពួកគេចាញ់ហើយ»។

CNN ជឿជាក់ថា លោក ត្រាំ បាននិយាយខុសថា «អ៊ុយក្រែន» នៅពេលដែលលោកពិតជាចង់និយាយថាអ៊ីរ៉ង់។

លោក ត្រាំ បាននិយាយថា៖«អ្នកនឹងមិនដឹងរឿងនោះដោយការអានព័ត៌មានក្លែងក្លាយទេ ប៉ុន្តែខាងយោធា សូមមើល។ មានកងទ័ពជើងទឹក។ ដូច្នេះ ពួកគេមាននាវាចំនួន ១៥៩គ្រឿង។ នាវានីមួយៗ ឥឡូវនេះ គឺស្ថិតនៅក្រោមទឹក។ ជាធម្មតា បែបនេះ គឺពិតជាល្អណាស់។ វានឹងពិបាកសម្រាប់ពួកវាក្នុងការវិល   ត្រឡប់ទៅកងទ័ពជើងទឹកវិញ»៕