រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ថ្លែងថា ក្នុងស្ថានភាពដែលមិនទាន់ប្រាកដប្រជា ទាំងនៅផ្នែកខាងក្រៅ និងខាងក្នុង ការធ្វើការកែទម្រង់ពិតជាមានភាពចាំបាច់ ដើម្បីរក្សាលំនឹងសេដ្ឋកិច្ច និងសំដៅរួមចំណែកស្របតាមចក្ខុវិស័យកម្ពុជាឆ្នាំ២០៥០។

ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ លើកឡើងនៅក្នុង ពិធីប្រកាសជាផ្លូវការ គម្រោងសម្ព័ន្ធមេត្រីភាពស្ថាប័ន រវាងអគ្គនាយកដ្ឋានពន្ធដារ និងសហភាពអឺរ៉ុប ស្តីពីការពង្រឹងការប្រមូល ចំណូលសារព័ន្ធនៅកម្ពុជា នៅថ្ងៃទី៣០ ខែមេសា ឆ្នាំ២០២៦ នេះថា កម្ពុជាក្រោមការដឹកនាំប្រកបដោយភាពឈ្លាសវៃរបស់សម្តេច មហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្នុងនោះកម្មវិធីកែទម្រង់ការរគ្រប់គ្រងសាធារណៈ នៅតែបន្ត ជាការដ្ឋានកែទម្រង់ដ៏សំខាន់ នៅក្នុងយុទ្ធសាស្រ្តបញ្ចាកោណដំណាក់កាលទី១ របស់រាជរដ្ឋាភិបាល គឺការកែទម្រង់រស់ មិនកែទម្រង់ ស្លាប់ របស់សម្តេចអគ្គមហាសេនាធិបតីតេជោ ហ៊ុន សែន អតីតនាយករដ្ឋមន្រ្តី និងបច្ចុប្បន្នជាប្រធានព្រឹទ្ធសភា ក្នុងនោះ កម្មវិធីកែ ទម្រង់មួយនេះ កាន់តែមានភាពចាំបាច់ខ្លាំងឡើងថែមទៀត នៅក្នុងកាលៈទេសៈបច្ចុប្បន្ន ខណៈដែលសភាពការណ៍តំបន់ និងសកល កំពុងប្រែប្រួល ហើយការកែទម្រង់នេះនឹងជួយទប់លំនឹងសេដ្ឋកិច្ច និងសំដៅរួមចំណែកដល់ចក្ខុវិស័យកម្ពុជាឆ្នាំ២០៥០។

ឯកឧត្តមអគ្គបណ្ឌិតសភាចារ្យ លើកឡើងបន្ថែមថា ស្ថិតក្នុងដំណាក់កាលថ្មីនៃការអភិវឌ្ឍប្រទេស ចាប់តាំងពីដើមនីតិកាល ថ្មីនៃរដ្ឋសភា រាជរដ្ឋាភិបាលបានដាក់ចេញ និងកំពុងជំរុញអនុវត្តនូវយុទ្ធសាស្រ្តបញ្ហាកោណដំណាក់កាលទី១ ទន្ទឹមគ្នានិងកម្មវិធីគោល នយោបាយអាទិភាពចំនួន៦ និងវិធានការគន្លឹះចំនួន៥ សំដៅខិតខំជម្នះឱ្យបាននូវបញ្ហាប្រឈម និងសម្របខ្លួននៃការប្រែប្រួលទៅនិង សភាពការណ៍ដែលកើតឡើងជាបន្តបន្ទាប់។

ឯកឧត្តមអគ្គបណ្ឌិតសភាចារ្យ បន្តថា បញ្ហានេះតម្រូវឱ្យរាជរដ្ឋាភិបាលចាត់វិធានការណ៍អន្តរាគមន៍ឱ្យទាន់ពេល និងចំទិសដៅ ប្រកបដោយប្រសិទ្ធភាព, សំដៅម្ខាងបន្តរក្សានៃចលនការនៃការអភិវឌ្ឍសង្គម-សេដ្ឋកិច្ចជារួម និងម្ខាងទៀតប្រែក្លាយបញ្ហាប្រឈមនេះ ឱ្យក្លាយទៅជាកាលានុវត្តភាព តាមរយៈការបន្តពង្រឹងភាពប្រកួតប្រជែង ភាពរឹងមំា និងងភាពធន់ទៅនិងវិបត្តិ ការកែលម្អបរិកាស ធុរកិច្ច ការបន្តធ្វើពិពិធកម្មសេដ្ឋកិច្ច ការពង្រឹកលទ្ធភាពលើកកម្ពស់ខ្សែច្រវាក់ផលិតកម្មក្នុងស្រុក សំដៅជំរុញតភ្ជាប់ខ្សែច្រវាក់ផលិត កម្មក្នុងតំបន់ និងជាសកល និងការចាប់យកសកម្មភាពផលិតកម្មដែលបង្កើតតម្លៃបន្ថែមខ្ពស់ ការបង្កើតការងារឱ្យបានកាន់តែច្រើន និងការពង្រីកមូលដ្ឋានសេដ្ឋកិច្ចជាតិឱ្យកាន់តែទូលំទូលាយ៕អត្ថបទ៖ សុន រ៉ាឌី,