មណ្ឌលគិរី ៖ លោកយាយម្នាក់អាយុ១១៨ឆ្នាំ នៅខេត្តឧត្តរមានជ័យ នៅព្រឹកថ្ងៃទី១០ ខែមេសាឆ្នាំ២០២២ ត្រូវបានក្រុមគ្រូពេទ្យខេត្តមណ្ឌលគិរី បានស្ពាយយកវ៉ាក់សាំងកូវីដ-១៩ ទៅចាក់ជូនលោកយាយតាមបំណងប្រាថ្នារបស់លោកយាយ។

សូមបញ្ជាក់ថា បន្ទាប់ពីទទួលព័ត៌មានថា មានលោកយាយម្នាក់អាយុ១១៨ឆ្នាំ នៅខេត្តឧត្តរមានជ័យ ចង់ចាក់វ៉ាក់សាំងកូវីដ-១៩ពីស្ថានីយទូរទស្សន៍បាយ័ BTV លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំង​ប្រទេស (គ.វ.ក-១៩) បានចាត់ចែងធ្វើការស្វែងរកលោកយាយ​នៅខេត្តឧត្តរមានជ័យ តែមាន​ព័ត៌មានថា​ លោកយាយធ្វើ​ដំណើរទៅនៅខេត្តក្រចេះ ហើយក៏តាមស្វែងរកលោក​យាយបន្តទៀត ក្រុមគ្រូពេទ្យខេត្តក្រចេះ បានរកគាត់ឃើញនៅកោះញែក ខេត្តមណ្ឌលគិរី ដោយ​លោក​យាយ​បានទៅរស់នៅ​ជា​មួយ​កូនទីនោះ។

លោកជំទាវរដ្ឋលេខាធិការ សូមសម្ដែងអំណរសាទរជូនលោកយាយ និងសូមគោរពជូន​ពរ​លោក​យាយ​សូមលោកយាយមានសុខភាពល្អ ទទួលបានពរជ័យសិរីសួស្តី សេចក្តីសុខចម្រើន ពីទេវត្តាឆ្នាំថ្មី និងចៀសផុតពីជំងឺដង្កាត់ផ្សេងៗ ជាពិសេសចៀសផុតពីជំងឺកូវីដ-១៩។