កងកម្លាំងអ៊ីស្រាអែលកាលពីថ្ងៃអាទិត្យ បានធ្វើការលុកលុយជាបន្តបន្ទាប់ចូលទៅក្នុងទីក្រុង និងភូមិជាច្រើន នៅភាគខាងជើងនៃទីក្រុង Tulkarm ក្នុងតំបន់វេសបែង ( West Bank) ក្នុងនោះមានទីក្រុង Saida, Attil, Ellar និង Deir Al-Ghusun។

ប្រភពព័ត៌មានក្នុងស្រុក បាននិយាយថា កងកម្លាំងនេះ បានវាយឆ្មក់ និងឆែកឆេរផ្ទះរាប់សិបខ្នង ដោយបំផ្លាញសម្ភារៈ និងឃាតខ្លួនពលរដ្ឋរាប់សិបនាក់។

ប្រភពព័ត៌មានទាំងនោះ បានបន្ថែមថា អ្នកដែលត្រូវបានឃាត់ខ្លួន ត្រូវបាននាំទៅកាន់ផ្ទះដែលត្រូវបានរឹបអូសដោយកងទ័ព ក្រោយពីបង្ខំប្រជាពលរដ្ឋឲ្យចាកចេញ ដែលបន្ទាប់មកត្រូវបានបញ្ជូនទៅប៉ុស្តិ៍យោធា និងមជ្ឈមណ្ឌលសួរចម្លើយបណ្តោះអាសន្ន។

កងកម្លាំងអ៊ីស្រាអែលក៏បានវាយឆ្មក់លើហាងនានា ដោយសួរចម្លើយអ្នកដែលនៅខាងក្នុងហាងទាំងនោះ និងឆែក ទូរស័ព្ទដៃរបស់ពួកគេ។

នៅក្នុងទីក្រុង Tulkarm កងកម្លាំងអ៊ីស្រាអែល បានបង្ហោះយានដ្រូនឈ្លបយកការណ៍ពីលើទីក្រុងនេះ ដោយទម្លាក់ខិត្តប័ណ្ណដែលមានការគំរាមកំហែង និងការព្រមានដល់អ្នកស្រុក៕