កំពង់ចាម៖ ឯកឧត្តម ឌួង ឧត្តម ប្រធានក្រុមការងារគណបក្សចុះមូលដ្ឋានឃុំបុសខ្នុរ ស្រុកចំការលើ ​ខេត្តកំពង់ចាម និងក្រុមការងារកាលពីថ្ងៃ១០ ខែមេសាម្សិលមិញនេះ បានចុះជួបជាមួយយុវជនគណបក្សឃុំចំនួន ៤៧រូប ដើម្បីស្វែងយល់អំពីស្ថានភាពយុវជន ,បញ្ហាប្រឈម និងចំណុចខ្វះខាត ដើម្បីអាចជំរុញប្រសិទ្ធភាពសកម្មភាពការងារយុវជនឱ្យកាន់តែប្រសើរឡើងបន្ថែមទៀត។

ក្នុងឱកាសជួបសំណេះសំណាលឯកឧត្តម បានណែនាំតម្រង់ទិស​ដុសខាត់​សតិអារម្មណ៍​លើក​ទឹក​ចិត្ត​សមាជិក​សមាជិកឱ្យខិតខំបំពេញការងារ និងតួនាទីដែលយុវជនគួរធ្វើ ក៏ដូចជាផ្តល់​ការ​សហការ​ឱ្យបាន​ជិតស្និតជាមួយក្រុមការងារគ្រប់ជាន់ថ្នាក់។

​ឯកឧត្តម លើកជាយោបល់ផ្សេងៗ​ដើម្បីជាគំនិតជូនដល់សមាជិកសមាជិក​ដើម្បី​កែ​សម្រួល​អាជីព​មុខ​របររបស់ខ្លួនឱ្យកាន់តែមានជីវភាព​ប្រសើរឡើង ដូចជា​ការ​ឧបត្ថម្ភ​សម្រាប់​សមាជិក​សមាជិកា ​ដែលមានបំណងចូលរួមវគ្គផ្តល់វគ្គបណ្តុះបណ្តាលដាំដុះស្វាយចន្ទី។

ជាមួយនោះដែរឯកឧត្តម បានស្នើសុំឱ្យអចិន្ត្រៃយ៍គណបក្សឃុំមានសាមគ្គីភាពជួយ​គ្នាដោះស្រាយ​បញ្ហាដែលប្រឈម ពង្រឹងសកម្មភាព​ ប្រសិនបើមានបញ្ហាប្រឈមត្រូវរាយការណ៍។

ឯកឧត្តម ឌួង ឧត្តម បានលើកឡើងអំពីការប្រែមុខមាត់ថ្មីរបស់ឃុំបុសខ្នុរបន្ទាប់ពីឯកឧត្តម ហ៊ុន ម៉ានិត ប្រធានក្រុមការងារគណបក្សចុះមូលដ្ឋានស្រុកចំការលើ ដែលបានចាត់តាំងឯកឧត្តម ឌួង ឧត្តម ​ជាប្រធានក្រុមការងារគណបក្សចុះមូលដ្ឋានឃុំបុសខ្នុរ ​បានថ្លែងអំណរគុណដល់​លោក​គ្រូអ្នកគ្រូ ដែលបានខិតខំប្រឹងប្រែងកន្លងមក បើក្រឡេកមើល​អំពីវិស័យ​អប់រំ​បានបញ្ជាក់​យ៉ាង​ច្បាស់ថា​លទ្ធផលប្រលង​របស់​សិស្សានុសិស្ស​មាន​ការរីកចំរើន​ជាបន្តបន្ទាប់​។

ជាទីបញ្ចប់ឯកឧត្តម បានថ្លែងអំណរគុណចំពោះសកម្មភាពកន្លងដោយ​ជូន​កញ្ចប់​ឃីត​របស់​គណបក្សប្រជាជន ​ជូនសមាជិកសមាជិកាទាំងអស់ដែលបានចូលរួម​ និង​លើកទឹកចិត្ត​ឱ្យ​មាន​ការចូលរួមបន្ថែមទៀត ​នាឱកាសក្រោយៗដូចជាការ​បោះ​ជំរុំដែល​នឹង​ត្រូវរៀបចំដោយ​យុវជន​គណបក្សស្រុក នាពេលខាងមុខនេះ៕