ប្រធានាធិបតីសហរដ្ឋអាមេរិកលោក Donald Trump និយាយថា ប្រេងរាប់រយលានបារ៉ែល កំពុងហូរចេញពីប្រទេសវេណេស៊ុយអេឡា ស្របពេលដែលទីក្រុងវ៉ាស៊ីនតោន ព្យាយាមពង្រឹងការជាប់ពាក់ព័ន្ធរបស់ពួកគេនៅក្នុងវិស័យប្រេងរបស់ប្រទេសមួយនេះ ។

 លោកថា ពួកយើងបានបង្កើតទំនាក់ទំនងដ៏អស្ចារ្យ ។ ពួកយើងមានប្រេងរាប់រយលានបារ៉ែល កំពុងហូរចេញពីប្រទេសវេណេស៊ុយអេឡា ទៅកាន់ទីក្រុង Houston ទៅកាន់កន្លែងផ្សេងទៀត ឲ្យពួកយើងចម្រាញ់វា ធ្វើឲ្យពួកយើងក្លាយជាដៃគូដ៏សំខាន់មួយ ។

 ទិន្នន័យកាលពីពេលថ្មីៗនេះ បង្ហាញថា ការនាំចេញប្រេងរបស់វេណេស៊ុយអេឡា បានកើនឡើង ពោលគឺឈានដល់ប្រហែល ១,២លានបារ៉ែល ក្នុង ១ថ្ងៃ ដែលជាកម្រិតខ្ពស់បំផុតរបស់ពួកគេ ក្នុងរយៈពេលជាច្រើនឆ្នាំកន្លងមកនេះ ។

 សូមបញ្ជាក់ថា ក្រោយរយៈពេលជាច្រើនខែនៃភាពតានតឹង សហរដ្ឋអាមេរិកបានចាប់ខ្លួនប្រធានាធិបតីវេណេស៊ុយអេឡាលោក Nicolas Maduro កាលពីថ្ងៃទី ៣ ខែមករា បង្កឲ្យមានដំណើរវិត្តជាច្រើននៅក្នុងប្រទេសមួយនេះ ក្នុងនោះ អនុប្រធានាធិបតីវេណេស៊ុយអេឡា និងជារដ្ឋមន្រ្តីប្រេងលោកស្រី Delcy Rodriguez បានក្លាយជាប្រធានាធិបតីស្តី ៕