ក្រុមភ្នាក់ងារពន្លត់អគ្គិភ័យប្រហែល ៣០០នាក់ បានព្យាយាមពន្លត់ភ្លើងឆេះព្រៃនៅតំបន់ភាគអាគ្នេយ៍ ប្រទេសប៉ូឡូញ ក្រោយដីព្រៃប្រហែល ២០០ហិចតា រងការឆាបឆេះ ។

 អាជ្ញាធររុក្ខាប្រម៉ាញ់និយាយនៅលើបណ្តាញព័ត៌មានសង្គមថា ភ្លើងឆេះព្រៃនេះ បានកើតឡើងកាលពីថ្ងៃចន្ទ ហើយនិងគ្រប់គ្រងបាន ប៉ុន្តែវាបានឆាបឆេះម្តងទៀតកាលពីយប់ថ្ងៃអង្គារ ពេលដែលខ្យល់បក់ខ្លាំង ធ្វើឲ្យអណ្តាតភ្លើងរីករាលដាលយ៉ាងឆាប់រហ័ស ។

 នាយកដ្ឋានអន្លត់អគ្គិភ័យក្នុងស្រុក និយាយថា រថយន្តពន្លត់អគ្គិភ័យ ៧០ឆ្នាំ និងឧទ្ធម្ភាគចក្រ ហើយនិងយន្តហោះពន្លត់អគ្គិភ័យជាច្រើនគ្រឿងទៀត ត្រូវបានបញ្ជូនទៅពន្លត់ភ្លើងឆេះព្រៃ ។

 ក្រុមអាជ្ញាធរក្នុងស្រុកនិយាយកាលពីយប់ថ្ងៃអង្គារថា ពុំមានគ្រោះថ្នាក់ ឬការខូចខាតទ្រព្យសម្បត្តិ ត្រូវបានរាយការណ៍នោះទេ ។

 ទោះបីជាយ៉ាងណាក៏ដោយ រដ្ឋមន្រ្តីក្រសួងមហាផ្ទៃប៉ូឡូញ និយាយនៅថ្ងៃពុធនេះថា អ្នកបើកបរយន្តហោះម្នាក់បានស្លាប់ ពេលដែលយន្តហោះពន្លត់អគ្គិភ័យរបស់គាត់ បានធ្លាក់ នៅតំបន់អភិរក្សព្រៃឈើ Solska ស្ថិតនៅភាគខាងកើតប្រទេសប៉ូឡូញ ៕