រដ្ឋបាលរបស់លោកប្រធានាធិបតីអាមេរិក ដូណាល់ ត្រាំ បានចោទប្រកាន់អឺរ៉ុបថា ជា «កន្លែងបង្កើត» អំពើភេរវកម្ម ដែលបង្កឡើងដោយជនអនោ្តប្រវេសន៍យ៉ាងច្រើន នៅក្នុងយុទ្ធសាស្ត្រប្រឆាំងភេរវកម្មថ្មីមួយដែលបានបង្ហាញកាលពីថ្ងៃពុធ។

យុទ្ធសាស្ត្រប្រឆាំងភេរវកម្មថ្មីនេះ ក៏ផ្តោតលើការលុបបំបាត់ «ក្រុមជ្រុលនិយមឆ្វេងនិយមដ៏ហិង្សា» រួមទាំងក្រុម «គាំទ្រអ្នកប្តូរភេទ» ខណៈដែលរដ្ឋបាលអភិរក្សនិយមរបស់លោក ត្រាំ បង្កើនការវាយប្រហារនយោបាយរបស់ខ្លួនទៅលើក្រុមគូប្រជែង។

យុទ្ធសាស្ត្រនេះ ថែមទាំងដាក់ក្រុមជួញដូរគ្រឿងញៀននៅអាមេរិក នៅក្នុងចំណុចកណ្តាលនៃកិច្ចខិតខំប្រឹងប្រែងប្រឆាំងភេរវកម្ម។ប៉ុន្តែពាក្យពេចន៍ខ្លាំងៗមួយចំនួននៅក្នុងយុទ្ធសាស្ត្រនេះ គឺនិយាយសំដៅដល់អឺរ៉ុប ជាទីដែលសម្ព័ន្ធមិត្តអាមេរិកជាច្រើន នឹងមានការភ្ញាក់ផ្អើល នៅពេលឃើញទ្វីបរបស់ពួកគេស្ថិតនៅក្នុងគោលដៅរបស់រដ្ឋ បាលលោក ត្រាំ ម្តងទៀត។

យុទ្ធសាស្ត្រប្រឆាំងភេរវកម្មថ្មីនេះ បានលើកឡើងថា៖«វាពិតជាច្បាស់ណាស់ចំពោះទាំងអស់គ្នាថា ក្រុម អរិភាពដែលរៀបចំបានល្អ ទាញយកផលប្រយោជន៍ពីព្រំដែនដែលបើកចំហ និងឧត្តមគតិសកលនិយមពាក់ព័ន្ធ។ វប្បធម៌បរទេសទាំងនេះ កាន់តែរីកចម្រើន ហើយគោលនយោបាយអឺរ៉ុបបច្ចុប្បន្ន កាន់តែមានរយៈពេលយូរ អំពើភេរវកម្មកាន់តែច្រើន ត្រូវបានបង្កើតឡើង»៕