បេសកជនពិសេសប្រធានាធិបតីអាមេរិក លោក Steve Witkoff អាចនឹងជួបជាមួយលេខាធិការក្រុមប្រឹក្សាសន្តិសុខ និងការពារជាតិអ៊ុយក្រែន លោក Rustem Umerov នៅចុងសប្តាហ៍នេះ។ នេះបើយោងតាមការចុះផ្សាយរបស់ Bloomberg ដោយដកស្រង់ប្រភព។

យោងតាមប្រភព កិច្ចប្រជុំនេះ ទំនងជានឹងធ្វើឡើង នៅទីក្រុងម៉ៃអាមីនៃរដ្ឋហ្វ្លរីដា។

សមាជិកសភាអ៊ុយក្រែនលោក Yaroslav Zheleznyak បាននិយាយកាលពីថ្ងៃអង្គារថា លោក Umerov បានចាប់ផ្តើមដំណើរទស្សនកិច្ចទៅកាន់ប្រទេសមួយផ្សេងទៀត ដោយរំលងកិច្ចប្រជុំរបស់គណៈកម្មការបណ្ដោះអាសន្នរបស់សភា ដែលស៊ើបអង្កេតករណីអ្នកជំនួញ លោក Timur Mindich។

នៅក្នុងខែវិច្ឆិកា ឆ្នាំ ២០២៥ ការិយាល័យប្រឆាំងអំពើពុករលួយជាតិអ៊ុយក្រែន (NABU) និងការិយាល័យរដ្ឋអាជ្ញាឯកទេសប្រឆាំងអំពើពុករលួយ (SAPO) បានប្រកាសពីប្រតិបត្តិការ Midas ដើម្បីលាតត្រដាងគម្រោងអំពើពុករលួយដ៏សំខាន់មួយ នៅក្នុងវិស័យថាមពល។ លោក Mindich ដែលត្រូវបានគេពិពណ៌នាជាញឹកញាប់ថា ជា «កាបូបលុយ» របស់លោក វ្ល៉ូឌីមី ហ្សេឡិនស្គី បានចាកចេញពីអ៊ុយក្រែនទៅកាន់អ៊ីស្រាអែល រយៈពេលប៉ុន្មានម៉ោងមុនពេលការបង្ហាញគម្រោងនោះ ត្រូវបានធ្វើឡើង។ NABU បានចោទប្រកាន់លោក ហើយបានចាប់ផ្តើមបោះពុម្ពផ្សាយបំណែកនៃអាត់សំឡេងនៃការសន្ទនានៅក្នុងអាផាតមិនរបស់លោក ដែលក្នុងនោះគម្រោងអំពើពុករលួយ ត្រូវបានពិភាក្សា។ ខ្សែអាត់សំឡេងនោះមានរយៈពេលសរុបចំនួន ១.000ម៉ោង៕