ក្រុមអាជ្ញាធរ និយាយថា មនុស្សយ៉ាងហោច ៥នាក់ បានស្លាប់ក្នុងហេតុការណ៍អគ្គិភ័យឆាបឆេះពិព័រណ៍ដ៏ធំមួយនៅភាគអាគ្នេយ៍ ប្រទេសម៉ិកស៊ិក ។

ក្រុមការពារជនស៊ីវិល និយាយថា អគ្គិភ័យដែលមូលហេតុគេនៅមិនទាន់ដឹងនេះ បានឆាបឆេះឡើងកាលពីព្រឹកថ្ងៃព្រហស្បតិ៍ នៅទីក្រុង Villahermosa រដ្ឋ Tabasco ហើយបច្ចុប្បន្ន ស្ថិតក្រោមការគ្រប់គ្រងបានហើយ ។

យោងតាមសេចក្តីរាយការណ៍របស់សារព័ត៌មានក្នុងស្រុក បានឲ្យដឹងថា អគ្គិភ័យបានរីករាលដាលយ៉ាងខ្លាំង ពេលដែលការប្រគុំតន្រី្តដែលមានការចូលរួមពីទស្សនិកជនរាប់ពាន់នាក់ ចាប់ផ្តើមឡើង។

ក្រុមអ្នកប្រើប្រាស់បណ្តាញព័ត៌មានសង្គម បានបង្ហាញរូបភាពពេលដែលសោកនាដកម្មកើតឡើង ពេលដែលមនុស្សរាប់សិបនាក់ ត្រូវបានគេមើលឃើញរត់ចេញពីកន្លែងកើតហេតុទាំងភ្នែកនៅកញ្ចឹងក. ខណៈសំណុំផ្សែងពណ៌ខ្មៅគ្របដណ្តប់លើផ្ទៃអាកាស ៕