អ៊ុយក្រែន៖ អភិបាលក្រុង Kharkiv លោក Ihor Terekhov បាននិយាយក្នុងបទសម្ភាសន៍ជាមួយទូរទស្សន៍ CNN ថា ការវាយប្រហារដោយគ្រាប់បែកដែលនៅតែបន្តពីសំណាក់ប្រទេសរុស្ស៊ី ទៅលើអគារលំនៅឋានអ្នកស្រុកក្នុងទីក្រុង Kharkiv។ អគារអឹផាតមិនខ្ពស់ៗសរុបចំនួន ១,៦១៧ខ្នងត្រូវបានបំផ្លាញចាប់តាំងពីសង្គ្រាមចាប់ផ្ដើមផ្ទុះកាលពីថ្ងៃទី២៤ កុម្ភៈ។
អភិបាលក្រុងនេះបន្ថែមថា ការទម្លាក់គ្រាប់បែកនៅតែបន្តកាលពីថ្ងៃសៅរ៍ និងថ្ងៃអាទិត្យ។ កាលពីល្ងាចថ្ងៃអាទិត្យសត្រូវបានបាញ់មីស៊ីលតម្រង់គោលដៅ។ ប្រជាពលរដ្ឋរងទុក ខណៈមានទាំងអ្នកស្លាប់ និងរបួស ហេដ្ឋារចនាសម្ព័ន្ធក្នុងទីក្រុង Kharkiv កំពុងត្រូវបានបំផ្លិចបំផ្លាញ។ យោងតាមអភិបាលក្រុងរូបនេះ ទោះបីជាមានសង្គ្រាមក៏ដោយមនុស្សភាគច្រើនមិនចង់ចាកចេញពីផ្ទះសម្បែងរបស់ពួកគេទេ ទោះមានឱកាសជម្លៀសចេញយ៉ាងណាក្ដី។
លោកថា ប្រទេសអ៊ុយក្រែនក៏ត្រូវការអាវុធ ការគាំទ្រខាងនយោបាយ និងជំនួយមនុស្សធម៌ជាចាំបាច់ផងដែរពីសម្ព័ន្ធមិត្តរបស់ខ្លួន។ ទីក្រុងមួយនេះបានទទួលជំនួយជាសម្ភារៈ និងផលិតផលផ្សេងៗ ថ្នាំពេទ្យ និងសម្ភារៈប្រើប្រាស់ចាំបាច់ ប៉ុន្តែមិនបានផ្ដល់ឲ្យប្រជាពលរដ្ឋភ្លាមៗបានទេ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
