ប្រធានាធិបតីអាមេរិក លោក Donald Trump បាននិយាយនៅយប់ថ្ងៃអង្គារ១២​​​ ឧសភាសប្ដាហ៍នេះ​ថា​   លោកនឹងស្នើសុំឱ្យប្រធានាធិបតីចិន លោក Xi Jinping បើកចំហ​ប្រទេសចិន​​កាន់តែទូលំទូលា​យ ក្នុ​ងអំឡុងពេលកិច្ចប្រជុំកំពូលរបស់លោកជាមួយមេដឹកនាំចិនរូបនេះ​​ ខណៈបណ្ដា​នាយកប្រតិបត្តិមកពីក្រុមហ៊ុនធំៗជាច្រើនរបស់សហរដ្ឋអាមេរិក អមដំណើរលោកក្នុងដំណើរបំពេញ​ទស្សនកិច្ច​នៅសប្ដាហ៍​នេះ។

យោងតាមសេតវិមាន លោក Donald Trump និងសមភាគីចិនរបស់លោកគឺ​​ លោក Xi Jinping នឹងជួបពិភាក្សា​​ទល់មុខ​​​គ្នានៅព្រឹកថ្ងៃព្រហស្បតិ៍​​ទី ១៤ ខែឧសភាស្អែក​​នេះ​​ នៅទីក្រុងប៉េកាំង សម្រាប់កិច្ចប្រជុំកំពូល​មាន​​​ភាព​ប្រឈម​​ខ្ពស់ ដែ​​ល​នឹងត្រូវបានគ្របដណ្ដប់ដោយការពិភាក្សាអំពីពាណិជ្ជកម្ម ​សង្គ្រាមនៅអ៊ីរ៉ង់ និង​បញ្ហា​​​កោះតែ​​វ៉ាន់​​​​​។​

លោក Trump បានធ្វើអត្ថាធិប្បាយនេះនៅក្នុងការបង្ហោះលើ​​ប្រព័ន្ធផ្សព្វផ្សាយសង្គម ខណៈរូបលោក​​​​ក៏បានបដិសេធរបាយការណ៍ប្រព័ន្ធផ្សព្វផ្សាយអំពីបញ្ជីភ្ញៀវសម្រាប់ដំណើរ​នេះផងដែរ​​​ ដោយនិយាយថានាយកប្រតិបត្តិក្រុម​​ហ៊ុន​​​​បច្ចេក​វិទ្យា​​ ​ Nvidia លោក Jensen Huang ត្រូវបានអញ្ជើញ។​

លោក Trump បានសរសេរថា ទូរទស្សន៍​ CNBC បានរាយការណ៍មិនត្រឹមត្រូវថា លោក Jensen Huang ដ៏អស្ចារ្យរបស់ក្រុមហ៊ុន​​ Nvidia មិនត្រូវបានអញ្ជើញទ។​ តាមពិតទៅ លោក Jensen បច្ចុប្បន្នកំពុងស្ថិតនៅ​លើ​​យន្តហោះ Air Force One​ ដោយបន្ថែមថា លោកទន្ទឹងរង់ចាំជួបលោក Xi ក្នុងរយៈពេលប៉ុន្មានម៉ោងទៀត​ ហើយនឹងធ្វើឱ្យការបើកចំហប្រទេសចិនកាន់តែ​ទូលំទូលាយ​​ជា «សំណើដំបូងបំផុត» របស់លោក​៕