ក្រសួងការពារជាតិរុស្ស៊ី បាននិយាយកាលពីថ្ងៃអង្គារថា កងកម្លាំងប្រដាប់អាវុធ បានបន្តប្រតិបត្តិការសឹកពិសេសរបស់ខ្លួនឡើងវិញ បន្ទាប់ពីបទឈប់បាញ់បានបញ្ចប់ ខណៈអ៊ុយក្រែនបានរាយការណ៍ថា បានវាយវាយរុញច្រានការវាយប្រហាររបស់រុស្ស៊ីដោយជោគជ័យ។ ក្រសួងបាននិយាយនៅក្នុងសេចក្តីថ្លែងការណ៍ថា កងកម្លាំងរុស្ស៊ី បានគោរពបទឈប់បាញ់ទិវាជ័យជំនះចាប់តាំងពីថ្ងៃសុក្រដល់ថ្ងៃចន្ទ ដោយនៅតែស្ថិតក្នុងទីតាំងដែលធ្លាប់បានកាន់កាប់។

ក្រសួងបាននិយាយថា «ដោយកិច្ចព្រមព្រៀងបទឈប់បាញ់បានបញ្ចប់ កងកម្លាំងរុស្ស៊ីបានបន្តធ្វើប្រតិបត្តិការយោធាពិសេស»។

កងកម្លាំងរុស្ស៊ី បានវាយប្រហារអាកាសយានដ្ឋានយោធាអ៊ុយក្រែន ឃ្លាំងគ្រាប់រំសេវ ឃ្លាំងប្រេងឥន្ធនៈ និងគោលដៅផ្សេងៗទៀតនៅទូទាំងតំបន់ចំនួន៥៦កន្លែង ដោយបានបាញ់ទម្លាក់យានដ្រូនចំនួន១០៨គ្រឿង។

ទន្ទឹមនឹងនេះ នាយសេនាធិការនៃកងកម្លាំងប្រដាប់អាវុធអ៊ុយក្រែន បានរាយការណ៍ថា មានការប្រយុទ្ធគ្នាចំនួន១៧៤លើក នៅក្នុងតំបន់សមរភូមិជួរមុខ។ របាយការណ៍និយាយថា កងកម្លាំងអ៊ុយក្រែន បានវាយរុញច្រានការវាយប្រហាររបស់រុស្ស៊ីឆ្លងកាត់ទិសដៅច្រើនកន្លែង និងបានបាញ់ទម្លាក់យានដ្រូនរបស់រុស្ស៊ីចំនួន ១.២៥២ គ្រឿង។