រដ្ឋមន្រ្តីការបរទេសរុស្ស៊ីលោក Sergei Lavrov និយាយនៅថ្ងៃពុធនេះថា រឿងវិជ្ជមានជាច្រើន ត្រូវបាននិយាយពីសក្តានុពលដ៏អស្ចារ្យនៃទំនាក់ទំនងសហរដ្ឋអាមេរិក-រុស្ស៊ី ប៉ុន្តែការពិត គ្មានអ្វីកើតឡើងនោះទេ ។

ក្រោយឈ្នះការបោះឆ្នោតជ្រើសរើសប្រធានាធិបតីសហរដ្ឋអាមេរិកឆ្នាំ ២០២៤ លោក Donald Trump បានបង្កើតកិច្ចសន្ទនាឡើងវិញជាមួយប្រធានាធិបតីរុស្ស៊ីលោក Vladimir Putin ហើយនិងបានសន្យាម្តងហើយម្តងទៀត ដើម្បីបញ្ចប់សង្រ្គាមអ៊ុយក្រែន បើទោះបីជាសន្តិភាពមកទល់នឹងពេលនេះ ពិបាកយល់យ៉ាងណាក្តី ។

លោក Lavrov និយាយថា ពាក្យល្អពីកិច្ចសហប្រតិបត្តិការលើបច្ចេកវិទ្យា ថាមពល និងគម្រោងផ្សេងទៀត មកទល់នឹងពេលនេះ គ្មានអ្វីកើតឡើងសោះ ប៉ុន្តែទីក្រុងមូស្គូ កោតសរសើរចំពោះការចាប់ផ្តើមកិច្ចសន្ទនារបស់លោក Trumpជាមួយទីក្រុងមូស្គូ ។

លោក Lavrov ដែលបម្រើការជារដ្ឋមន្រ្តីការបរទេសរុស្ស៊ីចាប់តាំងពីឆ្នាំ ២០០៤រហូតមកនោះ និយាយប្រាប់ទូរទស្សន៍ RT India ថា ទោះបីជាយ៉ាងណាក៏ដោយ គ្មានអ្វីកើតឡើងក្នុងជីវិតពិតនោះទេ ។

លោកថា កិច្ចសន្ទនាជាមួយទីក្រុងមូស្គូ ពិតជាកើតឡើងមែន ដូចគ្នានឹងការកើតឡើងក្រោមរដ្ឋបាលរបស់លោកអតីតប្រធានាធិបតី Joe Biden ៕