ប្រធានាធិបតីអាមេរិក លោក Donald Trump បានត្រៀម​ខ្លួន​សម្រាប់​ការ​​ចាប់ផ្តើមកិច្ចប្រជុំជាបន្តបន្ទាប់ជាមួយលោក Xi Jinping ប្រធានាធិបតីចិននៅទីក្រុងប៉េកាំងនៅថ្ងៃព្រហស្បតិ៍នេះ​​​ ដោយមានគោលបំណងធានាបាននូវជ័យជម្នះផ្នែកសេដ្ឋកិច្ច បន្ត​ការ​ផ្អាក​​ការដំឡើង​ពន្ធ​ពាណិជ្ជកម្មដ៏ផុយស្រួយ និងដោះស្រាយបញ្ហាដ៏ស្មុគស្មាញដូចជាសង្គ្រាមអ៊ីរ៉ង់ និងការលក់អាវុធទៅឱ្យកោះតៃវ៉ាន់។​

ដោយ​​អត្រាការគាំទ្រ​​របស់លោកបានធ្លាក់ចុះយ៉ាងខ្លាំងដោយសារសង្គ្រាមរបស់លោកនៅអ៊ីរ៉ង់ ដំណើរទស្សនកិច្ចពោពេញដោយភាព​មិនច្បាស់លាស់​​របស់លោក Trump ទៅកាន់ប្រទេសចិន ជាលើកដំបូងដោយប្រធានាធិបតីអាមេរិកទៅកាន់គូប្រជែងយុទ្ធសាស្ត្រដ៏សំខាន់របស់អាមេរិកចាប់តាំងពី ដំណើរទស្សនកិច្ចចុងក្រោយរបស់លោកនៅទីនោះក្នុងឆ្នាំ​២០១៧​ ​ បានក្លាយជាជំនួប​​​កាន់តែ​​មាន​សារៈសំខាន់បន្ថែមទៀត។​​​​

ក្នុង​ដំណើរទស្សនកិច្ច​​​របស់​​លោកពេល​នោះដែ​រ​ ​ក៏មានការ​ចូលរួមផងដែរ​ពី ក្រុមនាយកប្រតិបត្តិ រួមទាំងលោក Elon Musk និងនាយកប្រតិបត្តិរបស់ក្រុម​ហ៊ុន​បច្ចេក​វិទ្យា​ Nvidia លោក Jensen Huang ជាអ្នកបន្ថែមចុងក្រោយដែលបានឡើងយន្តហោះ Air Force One ក្នុងអំឡុងពេលឈប់ចាក់ប្រេងនៅរដ្ឋ​ ​អាឡាស្កា ក្នុងដំណើរទៅកាន់រដ្ឋធានីចិន​តាមសំណើរបស់លោក Trump។ ​​​

នាយកប្រតិបត្តិជាច្រើនរូប រួមទាំងលោក Huang និងលោក Musk កំពុងស្វែងរកការដោះស្រាយបញ្ហាជាមួយប្រទេសចិន ហើយលោក Trump បាននិយាយថា លោកនឹងជំរុញឱ្យលោក Xi បើកចំហ​ទីផ្សាររបស់​​​ប្រទេសចិនកាន់តែ​ទូលំទូលាយសម្រាប់​​​ពាណិជ្ជ​កម្មអាមេរិក៕