មន្ត្រីដែលបាននិយាយសម្រាលពីការជាប់ពាក់ព័ន្ធណាមួយទៅនឹងការព្រួយបារម្ភនៃវីរុស Hanta ថា អាជ្ញាធរប្រទេសបារាំងកាលពីថ្ងៃពុធ ទី១៣ ខែឧសភា បានបិទខ្ទប់អ្នកដំណើរ និងនាវិក ជាង ១.៧០០ នាក់នៅលើនាវាទេសចរណ៍អង់គ្លេសមួយគ្រឿងដែលចូលចតនៅទីក្រុង Bordeaux បន្ទាប់ពីអ្នកដំណើរ វ័យចំណាស់ម្នាក់បានស្លាប់ ។ មនុស្សរាប់សិបនាក់ មានអាការៈឈឺពោះនៅលើនាវា Ambition ភាគច្រើននៃអ្នកដំណើរ ១.២៣៣ នាក់មកពីប្រទេសអង់គ្លេស និងអៀរឡង់ ដែលបានទៅដល់កំពង់ផែភាគខាងលិចទីក្រុង Bordeaux កាលពីថ្ងៃអង្គារ ដោយមានសមាជិកនាវិកឥណ្ឌា ៥១៤នាក់ នៅលើនាវា។

ប៉ុន្តែ មន្ត្រីសុខាភិបាលបាននិយាយថា ពុំមានជាប់ទាក់ទងទៅនឹងការផ្ទុះឡើងវីរុស Hanta ជាវីរុសត្រូវបានគេសង្ស័យថាបានសម្លាប់អ្នកដំណើរបីនាក់នៅលើនាវាទេសចរណ៍ MV Hondius របស់ប្រទេសហូឡង់ ដែលបានចេញដំណើរពីប្រទេសអាហ្សង់ទីន នោះទេ។ មន្ត្រីបាននិយាយថា អ្នកដំណើរអាយុ៩២ឆ្នាំម្នាក់នៅលើនាវា Ambition ដែលធ្វើប្រតិបត្តិការដោយក្រុមហ៊ុន Ambassador Cruise Line បានស្លាប់ និងមនុស្សប្រហែល៥០នាក់បានបង្ហាញរោគសញ្ញាឈឺពោះ។

មន្រ្តីបាននិយាយបន្ថែមថា ការធ្វើតេស្តដំបូងបានច្រានចោលការផ្ទុះឡើងវីរុស Norovirus ជាទម្រង់ឆ្លងខ្ពស់នៃជំងឺរលាកក្រពះ ដែលបណ្តាលឱ្យក្អួត និងរាគ ប៉ុន្តែការធ្វើតេស្តបន្ទាប់បន្សំនៅតែធ្វើឡើង ហើយការពុលអាហារក៏ត្រូវបានរាប់បញ្ចូលផងដែរ។ មន្ត្រីបាននិយាយថា អ្នកដំណើរនៅលើនាវា Ambition បានបង្ហាញរោគសញ្ញាបញ្ហាប្រឈមខ្ពស់កាលពីថ្ងៃចន្ទ នៅពេលដែលនាវានេះបានចូលចតនៅកំពង់ផែ Brest។ បុរសអាយុ៩២ឆ្នាំម្នាក់ បានស្លាប់មុនពេលទៅដល់កំពង់ផែនៅតំបន់ Brittany ភាគពាយ័ព្យប្រទេសបារាំង។

នាវាដែលបានចេញដំណើរពីកោះ Shetland ភាគខាងជើងប្រទេសស្កុតឡែននៅថ្ងៃទី៦ ខែឧសភា បានឈប់ចតនៅទីក្រុង Belfast ប្រទេសអៀរឡង់ខាងជើង និងទីក្រុងLiverpool ប្រទេសអង់គ្លេស មុនពេលទៅដល់ទីក្រុង Bordeaux ជាកន្លែងដែលនាវាត្រូវគ្រោងនឹងចេញដំណើរទៅកាន់ប្រទេសអេស្ប៉ាញ។