អារ៉ាប់រួមប្តេជ្ញាចិត្តចំពោះដំណោះស្រាយនយោបាយ និងការទូត ប៉ុន្តែមានសិទ្ធិការពារអធិបតេយ្យភាពរបស់ខ្លួន នេះបើយោងតាមទីប្រឹក្សាជាន់ខ្ពស់របស់ប្រធានាធិបតីអេមីរ៉ាតបាននិយាយកាលពីថ្ងៃពុធ។

លោក Anwar Gargash បានធ្វើសេចក្តីថ្លែងការណ៍នេះ ប៉ុន្មានម៉ោងបន្ទាប់ពីលោក ប្រធានាធិបតី ដូណាល់ ត្រាំ ( Donald Trump) បានចុះចតនៅទីក្រុងប៉េកាំងសម្រាប់កិច្ចពិភាក្សាជាមួយលោក ស៊ី ជីនពីង (Xi Jinping) ដែលត្រូវបានគេរំពឹងថា នឹងរួមបញ្ចូលសង្គ្រាមអ៊ីរ៉ង់ផងដែរ។

អ្នកការទូតអារ៉ាប់រួមរូបនេះ បាននិយាយថា ពិភពលោកកំពុងតាមដានដំណើរទស្សនកិច្ចនេះ និងរបៀបដែលវាអាចប៉ះពាល់ដល់មជ្ឈិមបូព៌ា។

អេមីរ៉ាតអារ៉ាប់រួម គឺជាប្រទេសឈូងសមុទ្រអារ៉ាប់ដែលអ៊ីរ៉ង់បានកំណត់ជាគោលដៅចម្បងបំផុត អំឡុងពេលជម្លោះជាមួយអ៊ីស្រាអែល និងសហរដ្ឋអាមេរិក។ អ៊ីរ៉ង់បានបាញ់មីស៊ីល និងយានដ្រូនទៅលើអារ៉ាប់រួមកាលពីសប្តាហ៍មុន ជាលើកដំបូងក្នុងរយៈពេលប៉ុន្មានសប្តាហ៍ ចាប់តាំងពីបទឈប់បាញ់ ត្រូវបានប្រកាស។

លោក Gargash បាននិយាយថា អារ៉ាប់រួមមិនបានស្វែងរកសង្គ្រាមនោះទេ ហើយបានខិតខំជៀស វាងវា៕