ភ្នំពេញ៖ រថយន្តដឹកឥដ្ឋមួយគ្រឿង បានដឹកលើសចំណុះពេលកំពុងធ្វើដំណើរតាមដងផ្លូវ ស្រាប់តែបាក់ប៉ុងដាច់កង់រមៀលចេញបណ្តាលឱ្យក្រឡាប់រថយន្តចាក់ឥដ្ឋចោល ពេញផ្លូវ តែសំណាងល្អមិនបណ្តាលឱ្យមនុស្សរងរបួសឡើយ បង្កការកក់ស្ទះ។

ហេតុការនេះបានកើត ឡើងកាលពីវេលាម៉ោង១២និង២០ថ្ងៃត្រង់ថ្ងៃទី១៨ ខែមិនា ឆ្នាំ ២០២១ នៅតាមបណ្តោយមហាវិថីឈ្នះ ឈ្នះ ក្នុងភូមិ កប់ស្រូវតូច សង្កាត់គោករការ ខណ្ឌព្រែកព្នៅ រាជធានីភ្នំពេញ។

តាមប្រភពព័ត៌មានបានពីបុរសម្នាក់ដែលជាតៃកុងរថយន្តមួយគ្រឿងទៀតដែលបានបេីករថយន្តមកសាងឥដ្ឋពីរថយន្តដែលក្រឡាប់នោះឱ្យដឹងថា នៅមុនពេលកើតហេតុ រថយន្តដែលក្រឡាប់ម៉ាក់ហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ៣C-៥០៤៣ បើកបរ ដោយបុរសម្នាក់មិនប្រាប់អោយស្គាល់អត្តសញ្ញាណរួមដំណើរ ជាមួយភរិយា បានដឹកឥដ្ឋពីព្រែកអញ្ចាញស្រុកមុខកំពូលខេត្តកណ្តាលធ្វើដំណើរ ក្នុងទិសដៅ ពីកើតទៅលិច ក្នុងគោលបំណង់ដឹកឥដ្ឋ យកទៅដាក់អោយម៉ូយនៅស្រុកឈូកខេត្តកំពត។ លុះពេល ធ្វើដំណើរ មកដល់កន្លែងកើតហេតុ ស្រាប់តែ រថយន្តបានបាក់ប៉ុងដាច់កង់ក្រោយខាងស្តាំរមៀលកង់ចេញហើយ បណ្តាលឱ្យរថយន្តអូស ហើយក្រឡាប់ទៅខាងស្តាំដៃ ចាក់ឥដ្ឋពេញផ្លូវ តែម្តង ។

នៅក្នុងហេតុការគ្រោះថ្នាក់នេះគេឃើញអ្នកបើកបរ រួមទាំងភរិយា បានលូនចេញពីក្នុងកាបិន រថយន្ត ដោយពុំមានរងរបួសឡើយ ដោយសារតែគ្រោះថ្នាក់នេះ ពុំបណ្តាលអោយមនុសុ្សរងរបួស ដូច្នេះអ្នកបើកបរ ក៏បានហៅរថយន្ត មួយគ្រឿងមកសេង ឥដ្ឋ ហើយ ហៅរថយន្ត មកស្ទួចយករថយន្តនោះយកទៅជួសជុលដោយខ្លួន ឯង៕អត្ថបទ​៖ កុម្ភះ