បាតុកម្មបានផ្ទុះឡើងនៅទូទាំងរដ្ឋធានីឡាហាវ៉ាន របស់គុយបា កាលពីយប់ថ្ងៃពុធ ស្របពេលដែលទីក្រុងមួយនេះ ប្រឈមនឹងការដាច់ចរន្តអគ្គិសនីដ៏អាក្រក់បំផុត ក្នុងរយៈពេលជាច្រើនទសវត្សរ៍កន្លងមកនេះ ខណៈការបិទច្រករបស់សហរដ្ឋអាមរិក បានកាត់ផ្តាច់លំហូរប្រេងទៅកាន់ប្រទេសកោះមួយនេះ ។

ពលរដ្ឋគុយបាខឹងសម្បារាប់រយនាក់ នាំគ្នាដង្ហែរក្បួនតាមដងផ្លូវ នៅតាមសង្កាត់ដាច់ចរន្តអគ្គសិនីជាច្រើន ដោយពួកគេនាំគ្នាបិទផ្លូវ ដុតគំនរសំរាម គោះចានគោះឆ្នាំង ហើយនិងស្រែកពាក្យស្លោក ។

រដ្ឋមន្រ្តីក្រសួងថាមពល និងរ៉ែគុយបាន និយាយកាលពីព្រឹកថ្ងៃពុធថា ប្រទេសរបស់លោកអស់រលីងប្រេង និងប្រេងម៉ាស៊ូតទៅហើយៗការដាច់ចរន្តអគ្គិសនី បានធ្លាក់ចូលក្នុងស្ថានភាពធ្ងន់ធ្ងរបំផុត ។

សូមបញ្ជាក់ថា ក្នុងរយៈពេល ២សប្តាហ៍កន្លងមកនេះ ប្រេងស្ទើរតែលែងមានទៅហើយនៅតាមស្ថានីយប្រេងគ្រប់គ្រងដោយរដ្ឋនៅក្នុងរដ្ឋធានីឡាហាវ៉ាន់ ។

ការបិទការនាំចូលរបស់សហរដ្ឋអាមេរិក បានធ្វើឲ្យមានការរឹតត្បិតយ៉ាងធ្ងន់ធ្ងរ បង្ខំឲ្យមានការបែងចែកប្រេងដ៏តឹងរឹងបំផុតនៅទូទាំងប្រទេសគុយបា ។

កង្វះខាតនេះដែរ បង្ខំឲ្យពលរដ្ឋគុយបង្ខំចិត្តចតទុកចោលរថយន្តដើរដោយថាមពលឧស្ម័នរបស់ពួកគេ ។

រដ្ឋាភិបាលគុយបានិយាយថា ពួកគេនៅមានមធ្យោបាយមួយចំនួន ក្នុងនាំចូលប្រេង បើទោះបីជាមានវិធានការរបស់សហដ្ឋអាមេរិកក៏ដោយ ។

ទោះបីជាយ៉ាងណាក៏ដោយ តម្លៃប្រេងបច្ចុប្បន្នពឹងផ្អែកទីទៃពីគ្នា លើក្រុមហ៊ុនផ្គត់ផ្គង់ ថ្លៃដឹកជញ្ជូន ការធានារ៉ាប់រង ហានិភ័យ និងតម្លៃទីផ្សារសកល ៕