ភ្នំពេញ៖ ក្នុងពេលដែលប្រជាជនកម្ពុជាជួបជុំគ្នា ដើម្បីអបអរសប្បាយ យើងនឹកដល់វប្បធម៌ដ៏សម្បូរបែប និងរស់រវើក​របស់ប្រទេសកម្ពុជា។

យើងមានកិត្តិយសក្នុងការបន្តកសាងទំនាក់ទំនងវប្បធម៌​រឹងមាំរវាងសហរដ្ឋអាម៉េរិក និងប្រជាជនកម្ពុជា ហើយយើងរីករាយនឹងជំរុញទំនាក់ទំនងរបស់យើងបន្ថែមទៀត ដើម្បីកសាងប្រទេសកម្ពុជាមួយដែលមានឯករាជ្យភាព លទ្ធិប្រជាធិបតេយ្យ និងវិបុលភាពច្រើនថែមទៀត។

នេះបើតាមសាររបស់រដ្ឋមន្រ្តីក្រសួងការបរទេសសហរដ្ឋអាម៉េរិកឯកឧត្ដម Antony J. Blinken ផ្ញើជូនក ម្ពុជា ក្នុងឱកាសចូលឆ្នាំថ្មីប្រពៃណីខ្មែរ។

សាររបស់រដ្ឋមន្រ្តីក្រសួងការបរទេសសហរដ្ឋអាម៉េរិក ឯកឧត្ដម Antony J. Blinken ដែលចេញនៅថ្ងៃទី ១៣ ខែមេសា ឆ្នាំ២០២២ ដដែលបានបន្តថា តាងនាមឱ្យសហរដ្ឋអាម៉េរិក ខ្ញុំសូមជូននូវសព្ទសាធុការពរ​ ដល់ប្រជាជនកម្ពុជា នៅក្នុងឱកាសចូលឆ្នាំថ្មីប្រពៃណីខ្មែរ។ សូមឱ្យប្រជាជនកម្ពុជាទាំងអស់ ប្រកបដោយវិបុលភាព និងសុខភាពល្អ នៅឆ្នាំថ្មី៕ ដោយ៖ គង់ ឌិន