ប្រធានាធិបតីលីបង់ លោក Joseph Aoun បាននិយាយនៅ​ថ្ងៃចន្ទ (ទី១៨ ខែឧសភា ឆ្នាំ២០២៦) នេះ​ថា លោកនឹងធ្វើអ្វីដែល «មិនអាចទៅរួច» ដើម្បីបញ្ឈប់សង្គ្រាមជាមួយអ៊ីស្រាអែល បន្ទាប់ពីបទឈប់បាញ់ និងការចរចាដោយផ្ទាល់រវាងប្រទេសទាំង២ មិន​អាច​បញ្ចប់ការប្រយុទ្ធគ្នា។

លោក Aoun បានលើក​ឡើង​នៅក្នុងសេចក្តីថ្លែងការណ៍មួយថា៖ «ក្របខ័ណ្ឌដែលលីបង់បានកំណត់សម្រាប់ការចរចា រួមមានការដកទ័ពរបស់អ៊ីស្រាអែល បទឈប់បាញ់ ការដាក់ពង្រាយកងទ័ពតាមបណ្តោយព្រំដែន ការវិលត្រឡប់វិញ​របស់ជន​ភៀស​សឹក​ និងជំនួយសេដ្ឋកិច្ច»។

លោកបានបន្ថែម​ថា៖ «កាតព្វកិច្ចរបស់ខ្ញុំ ដោយផ្អែកលើជំហរ និងការទទួលខុសត្រូវរបស់ខ្ញុំ គឺធ្វើអ្វីដែលមិនអាចទៅរួច និងជ្រើសរើសអ្វីដែលចំណាយតិចបំផុត ដើម្បីបញ្ឈប់សង្គ្រាម លើ​លីបង់ និងប្រជាជនរបស់ប្រទេស​»។

គួរ​បញ្ជាក់​ថា កាលពីសប្តាហ៍មុន សហរដ្ឋអាមេរិក និងឯកអគ្គរដ្ឋទូតលីបង់ ប្រចាំទីក្រុងវ៉ាស៊ីនតោន បានបញ្ចប់ការចរចាដោយផ្ទាល់ជុំទី៣ បន្ទាប់ពីបទឈប់បាញ់ដ៏ផុយស្រួយនៅលីបង់ ត្រូវបានបន្តរយៈពេល ៤៥ថ្ងៃទៀត៕