លោកស្រី Sujata Sharma គឺជារដ្ឋមន្រ្តីក្រសួងប្រេងឥណ្ឌានិយាយថា ប្រទេសរបស់លោកស្រីទិញប្រេងរុស្ស៊ី ពុំបានគិតដល់ពីការលើកលែងទណ្ឌកម្មរបស់សហរដ្ឋអាមេរិកនោះឡើយ ។

លោកស្រីនិយាយនៅក្នុងសន្និសីទសារព័ត៌មានថា ពាក់ព័ន្ធនឹងការលើកលែងទណ្ឌកម្មអាមេរិកលើរុស្ស៊ី លោកស្រីចង់បញ្ជាក់ថា ពួកយើងបានទិញប្រេងរុស្ស៊ីតាំងពីដំបូងមកម្ល៉េះ ពោលគឺតាំងពីមុនការលើកលែងទណ្ឌកម្ម អំឡុងការលើកលែងទណ្ឌកម្ម ហើយបច្ចុប្បន្ននេះផងដែរ ។

លោកស្រី Sharma បន្តថា វាគឺជាពាណិជ្ជកម្មដែលគួរតែមាននៅទីនោះសម្រាប់ឲ្យពួកយើងទិញ ពុំមានកង្វះខាតប្រេងឆៅនោះទេ ។ ប្រេងឆៅគ្រប់គ្រាន់ត្រូវតែមានឥតឈប់ឈរ ហើយមិនសំខាន់ថាលើកលែងទណ្ឌកម្ម ឬមិនលើកលែងទណ្ឌកម្មនោះទេ វាមិនប៉ះពាល់ឡើយ ។

សេចក្តីអត្ថាធិប្បាយបែបនេះ បានកើតមានឡើង ក្រោយរដ្ឋអាមេរិកអនុញ្ញាតឲ្យលើកលែងទណ្ឌកម្មដាក់លើការទីប្រេងឆៅមួយចំនួនរបស់រុស្ស៊ី ដែលគ្រោងនឹងផុតកំណត់នៅចុងសប្តាហ៍នេះ ។

ឥណ្ឌាដែលជាប្រទេសនាំចូលប្រេងធំបំផុតទី ៣របស់ពិភពលោកនោះ ឈានដល់តម្រូវការប្រេងឆៅជាង ៩០ភាគរយ ហើយនិងតម្រូវការប្រហែលពាក់កណ្តាលនៃឧស្ម័នធម្មជាតិរបស់ខ្លួន តាមរយៈការនាំចូល ៕