យោងតាមសេចក្តីរាយការណ៍របស់ប្រព័ន្ធផ្សព្វផ្សាយក្នុងស្រុក និងវីដេអូដែលបានបង្ហោះតាមបណ្តាញអ៊ីនធឺណិត បានឲ្យដឹងថា ក្រុមសកម្មជនបានបង្ខំឱ្យអាជ្ញាធរប្រទេសហូឡង់ ផ្អាកចរាចរណ៍រថភ្លើងរយៈពេលខ្លីនៅស្ថានីយ៍ទីក្រុងឡាអេ ប្រទេសហូឡង់ កាលពីល្ងាចថ្ងៃអង្គារ។

យោងតាមប្រព័ន្ធផ្សព្វផ្សាយក្នុងស្រុកនិយាយថា ក្រុមអ្នកតវ៉ាបានកាន់កាប់ផ្លូវរថភ្លើងដើម្បីទាមទារការធ្វើអន្តរាគមន៍ពីរដ្ឋាភិបាលហូឡង់ជុំវិញស្ថានភាពនៅតំបន់ហ្កាហ្សា និងដោះលែងសកម្មជនដែលត្រូវបានអ៊ីស្រាអែលចាប់ពង្រត់ពីក្បូនទូក Global Sumud ដឹកជំនួយទៅហ្កាហ្សា។ មនុស្សយ៉ាងហោចណាស់ប្រាំនាក់ ត្រូវបានចាប់ខ្លួន។



វីដេអូនៃហេតុការណ៍នេះ បានបង្ហាញ ក្រុមអ្នកតវ៉ាបានចងភ្ជាប់ខ្លួនជាមួយគ្នាដោយប្រើប្រាស់ទុយយោ ដែលបង្ខំឱ្យអាជ្ញាធរប្រើម៉ូទ័រដើម្បីកាត់ទុយយោ និងបំបែកពួកគេ។

ការតវ៉ា បានធ្វើឡើងភ្លាមៗបន្ទាប់ពីការតវ៉ាដាច់ដោយឡែកមួយនៅជិតអគារសភាក្នុងទីក្រុងឡាអេ។ ក្នុងអំឡុងពេលនៃការប្រមូលផ្តុំគ្នានោះ នគរបាលបានចាប់ខ្លួនមនុស្សចន្លោះពី៧០ ទៅ៨០នាក់ ដែលកំពុងប្រមូលផ្តុំគ្នាក្នុងសាមគ្គីភាពជាមួយក្បួនទូកដឹកជំនួយ Global Sumud ដែលធ្វើដំណើរទៅកាន់តំបន់ហ្កាហ្សា។