មេដឹកនាំកំពូលអ៊ីរ៉ង់ លោក Mojtaba Khamenei កាលពីថ្ងៃពុធ បានសរសើរការតស៊ូ«ដ៏អស្ចារ្យ និងប្លែកពីប្រវត្តិសាស្ត្រ»របស់ប្រទេសនេះប្រឆាំងនឹងកងទ័ពភេរវករពីររបស់ពិភពលោក គឺកងទ័ពសហរដ្ឋអាមេរិក និងអ៊ីស្រាអែល ក្នុងអំឡុងពេលសង្គ្រាម ៤០ថ្ងៃ និងបន្ទាប់ពីនោះមក។

នៅក្នុងសារមួយដែលផ្សាយដោយប្រព័ន្ធផ្សព្វផ្សាយអ៊ីរ៉ង់ លោក Khamenei ក៏បានរំលឹកដល់អតីតប្រធានាធិបតីអ៊ីរ៉ង់ លោក Ebrahim Raisi នៅខួបលើកទី២នៃការស្លាប់របស់លោក។

លោក Khamenei បាននិយាយថា ការពិតបានដាក់បន្ទុកនៃការទទួលខុសត្រូវកាន់តែធ្ងន់ទៅលើមន្ត្រីអ៊ីរ៉ង់ ចាប់ពីមេដឹកនាំ និងប្រធាននៃស្ថាប័នទាំងបីរបស់រដ្ឋាភិបាលរហូតដល់អ្នកគ្រប់គ្រងគ្រប់កម្រិត ដោយនិយាយថា ប្រទេសនេះកំពុងដោះស្រាយបញ្ហា និងកង្វល់របស់ប្រជាជន ជាពិសេសនៅក្នុងវិស័យសេដ្ឋកិច្ច និងជីវភាពរស់នៅ។

លោកបានសរសើរលោក Raisi និងសមាជិកក្រុមអមដំណើររបស់លោក ដែលបានស្លាប់នៅក្នុងគ្រោះថ្នាក់ធ្លាក់ឧទ្ធម្ភាគចក្រ នៅភាគពាយ័ព្យនៃប្រទេសអ៊ីរ៉ង់ កាលពីថ្ងៃទី១៩ ខែឧសភា ឆ្នាំ ២០២៤។

លោក Khamenei បាននិយាយថា លោក Raisi គឺជាឥស្សរជនដែលមានការទទួលខុសត្រូវ និងមានប្រជាប្រិយភាព ការយកចិត្តទុកដាក់ចំពោះយុវជន និងការលើកកម្ពស់យុត្តិធម៌ ក៏ដូចជាការទូតដែលផ្អែកលើផលប្រយោជន៍យ៉ាងសកម្ម៕