ព្រះវិហារ៖ ឯកឧត្តម ឧត្តមសេនីយ៍ឯក ស្រី ឌឹក មេបញ្ជាការរង កងទ័ពជើងគោក មេបញ្ជាការ កងពលធំអន្តរាគមន៍លេខ៣ បានអញ្ជើញទទួលអំណោយឱសថប្រភេទអាហារបំប៉នសុខភាព តាមរយៈលោកស្រីសាស្រ្តាចារ្យវេជ្ជបណ្ឌិត ឯក ម៉េងលី ជំនាញឯកទេសផ្នែកសម្ភព និងរោគស្ដ្រី ជាប្រធានក្រុមប្រឹក្សាភិបាល នៃមន្ទីរពេទ្យអឃីត កោះពេជ្រ និងអឃីតសែនសុខ រាជធានីភ្នំពេញ ដែលបានឧបត្ថមអាហារបំប៉នសុខភាពចែកជូនដល់វីរៈកងទ័ពជួរមុខ កងកងពលធំអន្តរាគមន៍លេខ៣ និងកងតូចអន្តរាគមន៍ចំណុះទាំង៣ នាព្រឹកថ្ងៃសៅរ៍ ៧កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែឧសភា ឆ្នាំ២០២៦ រួមមានពីរប្រភេទកំប៉ុង -១ កំប៉ុងពណ៌ទឹកក្រូចចំនួន៣០០ កំប៉ុង (កាល់ស្យូម) ជួយរក្សាឆ្អឹង និងធ្មេញ ជួយសាច់ដុំ និងសរសៃប្រសាទ ជួយប្រព័ន្ធភាពស៊ាំ ជួយបន្ថយស្ត្រេស និងកម្លាំងរាងកាយ ជួយសាច់ដុំ -២កំប៉ុងពណ៌ខៀវ (ផ្លែប៊្លូប៊ឺរី)ចំនួន៤០០កំប៉ុង ជាវីតាមីនចម្រុះ សម្រាប់បំពេញសារធាតុខ្វះក្នុងរាងកាយ ជួយផ្តល់ថាមពល ជួយប្រព័ន្ធភាពស៊ាំ ជួយសក់ ស្បែក និងក្រចក ជាទូទៅ គេប្រើសម្រាប់អ្នកញ៉ាំអាហារមិនគ្រប់គ្រាន់អស់កម្លាំង ឬខ្សោយចង់បន្ថែមវីតាមីនប្រចាំថ្ងៃជាដើម។

ស្ថិតក្នុងពិធីក្នុងពិធីប្រជុំវាយតម្លៃយោធិនដាក់ឲ្យចូលសោធននិវត្តន៍ឆ្នាំ២០២៦ ឯកឧត្តម ឧត្តមសេនីយ៍ឯក ស្រី ឌឹក មេបញ្ជាការរង កងទ័ពជើងគោក មេបញ្ជាការ កងពលធំអន្តរាគមន៍លេខ៣ បានមានប្រសាសន៍ថ្លែងអំណរគុណដ៏ជ្រាលជ្រៅចំពោះ លោកស្រីសាស្រ្តាចារ្យវេជ្ជបណ្ឌិត ឯក ម៉េងលី ដែលបានឧបត្ថម្ភឱសថអាហារបំប៉នសុខភាព ដល់វីរៈកងទ័ព កងពលធំអន្តរាគមន៍លេខ៣ និងចែកជូនបន្ត ដល់វីរៈកងទ័ព កងពលតូចអន្តរាគមន៍ចំណុះទាំង៣ ក្នុងសមរភូមិមុខទិសទី១ ប្រាសាទព្រះវិហារ។

 ឯកឧត្តម ឧត្តមសេនីយ៍ឯក ស្រី ឌឹក មេបញ្ជាការរង កងទ័ពជើងគោក មេបញ្ជាការ កងពលធំអន្តរាគមន៍លេខ៣ ព្រមទាំងមេបញ្ជាការរង នាយ និងពលទាហាន សូមប្រសិទ្ធពរជ័យមហាប្រសើរជូនលោកស្រីសាស្រ្តាចារ្យវេជ្ជបណ្ឌិត ឯក ម៉េងលី ជំនាញឯកទេសផ្នែកសម្ភព និងរោគស្ដ្រី ជាប្រធានក្រុមប្រឹក្សាភិបាល នៃមន្ទីរពេទ្យអឃីត កោះពេជ្រ និងអឃីតសែនសុខ ព្រមទាំងសហការី និងក្រុមគ្រួសារទាំងអស់ទទួលបានជោគជ័យគ្រប់ភារកិច្ចការងារ និងសូមប្រកបទៅដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។