បន្ទាយមានជ័យ​ ៖​នៅថ្ងៃទី២៣​ ខែឧសភា​ ឆ្នាំ២០២៦​ ឯកឧត្តម​ អ៊ុ​ រាត្រី​ អភិបាល​នៃគណៈអភិបាលខេត្តបន្ទាយមានជ័យ​ និងលោកជំទាវ​ ជ័យ​ ណារីអ៊ុរាត្រី​ ឯកឧត្ដម​ ប្រធានក្រុមប្រឹក្សាខេត្តព្រមទាំងក្រុមការងារបាននាំយកអំណោយរបស់សម្ដេចមហាបវរធិបតី​ ហ៊ុន​ ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត​ បន្តផ្តល់ជូនដល់គ្រួសារកងទ័ពចំនួន៣អង្គភាព​ រួមមាន​ អង្គភាពវរសេនាតូចថ្មេីជេីងលេខ៥១៤​ ចំនួន១០២គ្រួសា​រ​,​ វរសេនាតូចថ្មេីជេីងលេខ៥១៣​ ចំនួន១០៧គ្រួសារ​ ​និង​វរសេនាតូចថ្មេីជេីងលេខ៥១១​ ចំនួន១៧គ្រួសារ​ ចំណុះកងពលតូចថ្មេីរជេីង​ លេខ៥១ សរុបមានចំនួន២២៦គ្រួសារ។​

ក្នុងឱកាសនោះឯកឧត្តម​ អ៊ុ​ រាត្រី​ ក៏បានបញ្ជាក់ថា វរៈកងទ័ពដែលកំពុងឈរជើងតាមបន្ទាត់ព្រំដែន​ ទទួលបានការយកចិត្តទុកដាក់យ៉ាងខ្លាំងពីប្រមុខថ្នាក់ដឹកនាំជាខ្លាំង​ ជាពិសេសក្រុមគ្រួសារីរៈកងទ័ព​នៅសមរភមិក្រោយ​ ក៏ត្រូវបានប្រមុខរដ្ឋាភិបាលកម្ពុជាសម្តេចមហាបវរធិបតី​ ហ៊ុន​ ម៉ា​ណែត​ និងលោកជំទាវបណ្ឌិតតែងតែយកចិត្តទុកដាក់​ទំនុកបម្រុងគិតគូរខ្ពស់ជីវភាពតាមរយៈការផ្តល់ស្បៀងជាប់ជាប្រចាំ​ ដោយមិនទុកឱ្យគ្រួសារវីរៈកងទ័ពណាម្នាក់រងទុក្ខវេទនានោះឡេីយ​។ ​

ឯកឧត្តម​ អភិបាលខេត្ត​ លេីកឡេីងថា​ សុខទុក្ខរបស់បងប្អូនក្រុមគ្រួសាររបស់វីរៈកងទ័ព​ គឺជាសុខទុក្ខរបស់ថ្នាក់ដឹកនាំ​ ដែលត្រូវរួមគ្នាដោះស្រាយជូនភ្លាមៗ​ ចំពោះក្រុមគ្រួសារវីរៈកងទ័ពដោយទទួលបានភាពកក់ក្តៅ​ គឺជាកម្លាំងចិត្តដ៏សំខាន់របស់វីរៈកងទ័ពនៅជួរមុខ​ ដែលកំពុងបំពេញភារៈកិច្ច​ ក្នុងកិច្ចការពារបូរណភាពទឹកដីពីសត្រូវឈ្លានពាន។ ដូច្នេះហេីយទេីបប្រមុខរាជរដ្ឋាភិបាល​ តាមរយៈក្រុមការងារខេត្ត​ ដែលជាសេនាធិការ​ នឹងបន្តទំនុកបម្រុងដល់គ្រួសារវីរៈកងទ័ពជាប់ជាប្រចាំ​ បើទោះស្ថិតនៅក្នុងកាលទេសៈណាដ៏ដោយ​ រាជរដ្ឋាភិបាលមិនដែលមេីលរំលងក្រុមគ្រួសារវីរៈកងទ័ព​ និងប្រជាជនកម្ពុជានោះឡេីយ។

ក្នុងនោះដែរឯកឧត្ដម​ បន្តអំពាវនាវដល់គ្រួសារវីរៈកងទ័ព​ ក៏ដូចជាប្រជាជនកម្ពុជា​ ត្រូវបន្តជឿជាក់ទៅលើប្រមុខរាជរដ្ឋាភិបាលកម្ពុជា ក្នុងការដោះស្រាយបញ្ហាព្រំដែន។ ដោយរាជរដ្ឋាភិបាល បានប្តេជ្ញាចិត្តយ៉ាងម៉ឺងម៉ាត់ ស្មោះត្រង់ សុចរិតក្នុងការគោរព និងអនុវត្តយ៉ាងពេញលេញ និងខ្ជាប់ខ្ជួនបំផុតសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) នៅថ្ងៃទី២៧ ខែធ្នូ ឆ្នាំ២០២៥, សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ថ្ងៃទី២៦ ខែតុលា ឆ្នាំ២០២៥ និងកិច្ចព្រមព្រៀងពាក់ព័ន្ធផ្សេងទៀត ដើម្បីឆ្ពោះទៅការធ្វើឱ្យប្រសើរឡើងវិញឆាប់រហ័ស និងការវិលត្រឡប់ទៅរកប្រក្រតីភាព សន្តិភាព ស្ថេរភាព និងសុវត្ថិភាពជូនប្រជាពលរដ្ឋដែលរស់នៅតាមបណ្តាយព្រំដែនប្រទេសទាំងពីរផងដែរ៕

សូមបញ្ជាក់ថា​ ចំពោះអំណោយ​ដែលទទួលបានក្នុងពេលនេះដោយមួយគ្រួសារ​ៗទទួលបានអង្ករ២០គីឡូក្រាម​,មីមួយកេស​,ទឹកស៊ីអ៊ីវ​១យួរ,ទឹកត្រី១យួរ,​ ត្រីខ​ ១យួរ​ សាច់ក្រក់១គីឡូក្រាម​​ រួមនឹងថវិកាមួយចំនួនផងដែរ៕ឃិនសារិទ្ធ