​អ៊ុយក្រែន៖ អភិបាល​តំបន់ Luhansk បាន​និយាយ​ថា នៅ​ពេល​នេះ​កងកម្លាំង​រុស្ស៊ី​បាន​គ្រប់គ្រង​តំបន់ Luhansk ៨០% ជា​តំបន់​មួយ​ក្នុងចំណោម​តំបន់​ចំនួន​២ ដែល​បង្កើត​បាន​ជា​តំបន់ Donbas ក្នុង​ភាគ​ខាង​កើត​អ៊ុយ​ក្រែ​ន​។ ​គោលដៅ​មួយ​ក្នុងចំណោម​គោលដៅ​ជាច្រើន​របស់​រុស្ស៊ី គឺ​ដើម្បី​ពង្រីក​ដែនដី​ក្នុង​តំបន់ Donbas ក្រោម​ការគ្រប់គ្រង​របស់​ក្រុម​ផ្ដាច់​ខ្លួន​គាំទ្រ​ទីក្រុង Moscow។

​មុន​ពេល​ការវាយលុក​របស់​រុស្ស៊ី​កាលពី​ថ្ងៃទី២៤​ កុម្ភៈ រដ្ឋាភិបាល​ក្រុង Kyiv បាន​គ្រប់គ្រង ៦០​% នៃ​តំបន់ Luhansk។ អភិបាល​តំបន់​នេះ​លោក Serhiy Haidai បាន​និយាយ​ថា កងទ័ព​រុស្ស៊ី​ដែល​បាន​បើក​ការវាយលុក​ជាថ្មី​កាលពីដើម​សប្ដាហ៍​នេះ ​នៅ​ក្នុង​ប្រទេស​អ៊ុយ​ក្រែ​នភា​គ​ខាងកើត និង​ខាងត្បូង​បាន​បង្កើន​ការវាយប្រហារ​នៅ​ក្នុង​តំបន់ Luhansk​។​ ​លោក​ថា បន្ទាប់ពី​ការ​ដណ្ដើម​បាន​ទីក្រុង Kreminna ពេលនេះ​កងទ័ព​រុស្ស៊ី​កំពុង​គំរាមកំហែង​ដល់​ទី​ក្រុង Rubizhne និង​ទីក្រុង Popasna និង​បាន​ជំរុញ​ឲ្យ​ប្រជាពលរដ្ឋ​ទាំងអស់​ជម្លៀស​ចេញ​ភ្លាមៗ​។ តំបន់ Donetsk ក៏​ជា​ផ្នែក​មួយ​នៃ​តំបន់ Donbas ផង​ដែរដែល​គេ​បាន​មើល​ឃើញ​មានការ​វាយ​ប្រយុទ្ធ​គ្នា​ដ៏​ខ្លាំងក្លា ព្រមទាំង​នៅ​ជុំវិញ​ទីក្រុង​កំពង់ផែ Mariupol៕

អត្ថបទ៖ សុខមាន