នាយករដ្ឋមន្ត្រីថ្មីរបស់ប្រទេសហុងគ្រី លោក Peter Magyar បានថ្លែងបន្ទាប់ពីកិច្ចប្រជុំជាមួយអគ្គលេខាធិការណាតូ លោក Mark Rutte នៅទីក្រុងប្រ៊ុចសែលថា ប្រទេសហុងគ្រីបានជូនដំណឹងដល់អង្គការណាតូថា ខ្លួននឹងមិនផ្គត់ផ្គង់អាវុធ និងគ្រឿងយុទ្ធបករណ៍ដល់អ៊ុយក្រែនទេ។

លោកបានសរសេរនៅលើទំព័រហ្វេសប៊ុករបស់លោកថា៖«ខ្ញុំបានជំរាបលោកអគ្គលេខាធិការថា ប្រទេសហុងគ្រី នឹងមិនផ្គត់ផ្គង់អាវុធ ឬគ្រឿងយុទ្ទោបករណ៍ដល់តំបន់ជម្លោះរុស្ស៊ី-អ៊ុយក្រែនទេ»។

ដូច្នេះ លោកបានបញ្ជាក់ជាថ្មីថា លោកនឹងបន្តគោលនយោបាយរបស់អ្នកកាន់តំណែងមុនរបស់លោក គឺលោក Viktor Orban និងរដ្ឋាភិបាលរបស់លោក។ លោកនាយករដ្ឋមន្ត្រីដែលទើបតែងតាំងថ្មីនេះ បានច្រានចោលជំនួយយោធាដល់ទីក្រុងគីវភ្លាមៗបន្ទាប់ ពីគណបក្ស Tisza របស់លោក បានឈ្នះការបោះឆ្នោតសភា នៅថ្ងៃទី ១២ ខែមេសា។

ក្នុងពេលជាមួយគ្នានេះ លោក Magyar បានធានាដល់លោក Rutte ថា៖«ប្រទេសហុងគ្រី នឹងក្លាយជាដៃគូដែលអាចទុកចិត្តបានម្តងទៀតរបស់សម្ព័ន្ធយោធានេះ និងការពារជាតិដ៏មានឥទ្ធិពលបំផុតរបស់ពិភពលោក»៕